રિંકુ અને પ્રિયાની સગાઈમાં જયા બચ્ચનને આવ્યો ગુસ્સો? અભિનેત્રી ફોટોમાં દેખાઈ નારાજ

ક્રિકેટર રિંકુ સિંહ પોતાના અંગત જીવનને લઈને ચર્ચામાં છે. તેમણે 8 જૂને સપા સાંસદ પ્રિયા સરોજ સાથે સગાઈ કરી હતી. તેમની સગાઈના ફોટા સોશિયલ મીડિયા પર વાયરલ થયા છે. તેમની સગાઈ લખનૌની એક ફાઇવ સ્ટાર હોટલમાં થઈ હતી. રિંકુ અને પ્રિયાના સગાઈ સમારોહમાં ઘણી પ્રતિષ્ઠિત હસ્તીઓ હાજર રહી હતી. જેમાંથી અભિનેત્રી જયા બચ્ચન નારાજ હોય એવા ફોટો સામે આવતા ચર્ચાએ જોર પકડયું છે.

રિંકુની સગાઈમાં જયા બચ્ચન પણ હાજર રહી

ક્રિકેટર રિંકુ સિંહ અને સપા સાંસદ પ્રિયા સરોજની સગાઈમાં 300 VIP મહેમાનોને આમંત્રણ આપવામાં આવ્યું હતું ત્યારે આ કાર્યક્રમમાં સપાના વડા અખિલેશ યાદવ પણ હાજર રહ્યા હતા. સાથે જ તેની સાથે તેમની પત્ની ડિમ્પલ પણ જોવા મળી હતી. અખિલેશ યાદવે સફેદ કુર્તા-પાયજામા પહેર્યો હતો જ્યારે ડિમ્પલ ગ્રે રંગની સાડીમાં સુંદર દેખાતી હતી. અભિનેત્રી અને સપા સાંસદ જયા બચ્ચન પણ પ્રિયા અને રિંકુની સગાઈમાં હાજર રહી હતી. તે ગુલાબી રંગની સાડીમાં જોવા મળી હતી.

શું જયા બચ્ચન ગુસ્સે જોવા મળી?

અભિનેત્રી અને સપા સાંસદ જયા બચ્ચને પ્રિયા અને રિંકુની સગાઈમાં તેમની સાથે ફોટો પડાવ્યો હતો. આ સમયના તેના ફોટા સોશિયલ મીડિયા પર વાયરલ થયા છે. રિંકુ અને પ્રિયાની સગાઈનો આ ફોટો જોઈને યુઝર્સ લખી રહ્યા છે કે, જયાજી અહીં પણ ગુસ્સે દેખાઈ રહ્યા છે તો બીજા એક વ્યક્તિએ કહ્યું હતું કે જયા બચ્ચન પણ અહીં છે કલ્યાણ થઈ ગયું.

જયા બચ્ચનને પાપારાઝીએ કેમેરામાં કરી કેદ

તમને જણાવી દઈએ કે જયા બચ્ચન પાપારાઝીને ઠપકો આપતા હોય તેવા વીડિયો ઘણીવાર વાયરલ થાય છે. આ પાર્ટીના ફોટામાં તે ખૂબ જ શાંત જોવા મળી હતી. પ્રિયા અને રિંકુની સગાઈના સ્થળે પ્રવેશ કરતી વખતે જયા બચ્ચનને પાપારાઝી કેમેરાએ કેદ કરી લીધા હતી. રિંકુ અને પ્રિયાની સગાઈ પાર્ટીમાં જયા બચ્ચન અખિલેશ યાદવ સાથે વાત કરતી જોવા મળી હતી.

રિંકુ અને પ્રિયાની સગાઈનો લુક

સગાઈમાં રિંકુએ સફેદ રંગની શેરવાની પહેરી હતી તો પ્રિયાએ ગુલાબી રંગનો લહેંગા પહેર્યો હતો. પ્રિયા આ લહેંગામાં ખૂબ જ સુંદર લાગી રહી છે. પ્રિયાએ કોલર નેકલેસ અને બંગડીઓ સાથે આ લુક પૂર્ણ કર્યો. તેણે મિડલ પાર્ટેડ હેરસ્ટાઇલ બનાવી હતી. પ્રિયાએ કર્લી હેર લુક પસંદ કર્યો હતો અને ન્યૂડ મેકઅપની સાથે અભિનેત્રીએ પોતાનો લુક પૂર્ણ કર્યો હતો.