વેલેન્ટાઇન ડેના સાતમા દિવસે, 13 ફેબ્રુઆરીએ 'કિસ ડે' ઉજવવામાં આવે છે. 'કિસ' કપલ વચ્ચે પ્રેમ વ્યક્ત કરવાની ખાસ રીત છે. હિન્દીમાં ફિલ્મોમાં એવા કેટલાક Kiss સીન છે જે ચર્ચાનો વિષય બન્યા છે. 90ના દાયકામાં વિનોદ ખન્ના અને માધુરી દિક્ષીત કે પછી આમીરખાન અને કરિશ્મા, શાહિદ અને કરીના કપૂર. આ સ્ટાર્સના Kiss સીન જે તે સમયે સમાચારોની હેડલાઈન બન્યા છે. 1988ની ફિલ્મ "દયાવાન"માં માધુરી દિક્ષીતનો અભિનેતા વિનોદ ખન્ના સાથેનો કિસ સીન આજે પણ ચર્ચાનો વિષય છે. માધુરી દિક્ષીતે દયાવાન ફિલ્મના Kiss સીન દ્રશ્યને લઈને ચોંકાવનારો ખુલાસો કર્યો.
માધુરીએ કિસિંગ સીન વિશે શું કહ્યું?
એક ઇન્ટરવ્યુમાં માધુરી દીક્ષિતે ખુલ્લેઆમ સ્વીકાર્યું કે મારા જીવનનો ખુબ જ દુઃખદ અનુભવ છે. દયાવાન ફિલ્મનો Kiss સીન મારા માટે જીવનનું દુઃસ્વપ્ન છે. આ દ્રશ્ય ફિલ્માવવું એ તેના જીવનનો સૌથી મોટો શીખવાનો અનુભવ હતો. અભિનેત્રીએ સ્વીકાર કર્યો કે આ ફિલ્મ આવી તે સમયે હું ઇન્ડસ્ટ્રીમાં નવી હતી અને વસ્તુઓની કેવી ઇફેક્ટ થશે તેનો ખ્યાલ નહોતો. આ દ્રશ્ય પડદા પર આટલું બોલ્ડ દેખાશે તેની મને કલ્પના નહોતી. દ્રશ્ય પછી, મને એટલી શરમ અને અસ્વસ્થતા અનુભવાઈ કે મેં તરત જ નક્કી કરી લીધું કે હું ફરી ક્યારેય આવું કંઈ નહીં કરું." આજે પણ, જ્યારે તે તે દ્રશ્ય જુએ છે, ત્યારે તે ચોંકી જાય છે.
