ટીવીનો લોકપ્રિય રિયાલિટી કોમેડી-કુકિંગ શો લાફ્ટર શેફ્સ તેની ત્રીજી સીઝન સાથે પરત ફરી રહ્યો છે. શોની જાહેરાત થઈ ગઈ છે અને લાફ્ટર શેફ્સ 3ના નવા કલાકારો પણ જાહેર થઈ ગયા છે. આ વખતે જૂના કન્ટેસ્ટેન્ટની સાથે નવા કન્ટેસ્ટેન્ટ રસોઈનો આનંદ માણતા જોવા મળશે. સીઝન 1 અને 2 ની સફળતા બાદ, નિર્માતાઓ હવે સીઝન 3 માં સેલિબ્રિટી કન્ટેસ્ટેન્ટ સાથે દર્શકોને રસોઈની સાથે હાસ્યનો ડોઝ આપતા જોવા મળશે. સોશિયલ મીડિયા પર નવા કન્ટેસ્ટેન્ટ વિશે ચર્ચાઓ તેજ થઈ ગઈ છે.
સીઝન 3 માં નવા કન્ટેસ્ટેન્ટ જોડાયા
લાફ્ટર શેફ્સ 3માં જૂના અને નવા કન્ટેસ્ટેન્ટનું જોડી હશે. સીઝન 1 અને 2 ના કન્ટેસ્ટેન્ટ પણ પાછા ફરી રહ્યા છે. અલી ગોની, કાશ્મીરા શાહ, કૃષ્ણા અભિષેક, જન્નત ઝુબૈર, કરણ કુન્દ્રા, અભિષેક કુમાર, એલ્વિશ યાદવ અને સમર્થ જુરેલ, પાછલી બે સીઝનના કન્ટેસ્ટેન્ટમાં સામેલ છે જેઓ ત્રીજી સીઝનમાં પણ પોતાનો રાંધણ સ્પર્શ ઉમેરતા જોવા મળશે.
