દિગ્ગજ અભિનેત્રી મંદાકિનીએ બોલીવુડમાં પગ મૂકતાની સાથે જ સૌને પોતાના ફેન બનાવી દીધા હતા. તેમની એક્ટિંગ હોય, બોલ્ડ સીન હોય કે પછી સુંદરતા, મંદાકિની કોઈને કોઈ કારણસર હંમેશાં ચર્ચામાં રહેતી હતી. તેમની કારકિર્દી પણ સારી ચાલી રહી હતી. પરંતુ એક તસવીરે તેમની કારકિર્દીને મોટો ઝટકો આપ્યો હતો. ઘણા વર્ષો પહેલાં અંડરવર્લ્ડ ડોન દાઉદ ઈબ્રાહિમ સાથેની તેમની એક તસવીર વાયરલ થઈ હતી. એવો દાવો કરવામાં આવ્યો હતો કે આ તસવીર દુબઈની હતી, જ્યાં મંદાકિની દાઉદ ઈબ્રાહિમના બોલાવવા પર ગઈ હતી. તે સમયે મુંબઈમાં થયેલા બોમ્બ વિસ્ફોટોમાં દાઉદનું નામ સામે આવ્યું હતું.
દાઉદ સાથેની તસવીરને લઈને વર્ષો બાદ મંદાકિનીએ તોડ્યું મૌન
આ જ કારણસર મંદાકિનીનું દાઉદ સાથેનું જોડાણ તેમની કારકિર્દી પર ભારે પડ્યું હતું. તે સમયે અભિનેત્રીએ આ તસવીર અંગે કંઈ કહ્યું ન હતું. પરંતુ હવે ઘણા વર્ષો બાદ મંદાકિનીએ વાયરલ થયેલી તસવીરની હકીકત જણાવી છે. સાથે જ તેમણે એ પણ જણાવ્યું છે કે તેઓ દુબઈ શા માટે ગયા હતા.
https://www.instagram.com/p/DcBjJj2Epqs/?utm_source=ig_web_copy_link&stkn=MzRlODBiNWFlZA==
મંદાકિનીએ જણાવી તસવીરની હકીકત
ANIને આપેલા એક્સક્લુઝિવ ઈન્ટરવ્યૂમાં મંદાકિનીએ કહ્યું, લોકો જે લખવા માગે કે જે બોલવા માગે, તેના પર આપણું કોઈ નિયંત્રણ હોતું નથી. એક કલાકારને હજારો લોકોને મળવું પડે છે અને આપણા માટે બધા લોકો સરખા હોય છે. ત્યાં પણ ઘણા લોકો સાથે હતા. અમે એક શો માટે દુબઈ ગયા હતા અને ત્યાર બાદ મેચ જોવા પહોંચ્યા હતા. ના, મને દાઉદે આમંત્રણ આપ્યું ન હતું. તે સમયે મને આ વાતનો અહેસાસ પણ ન હતો.
વિવાદ બાદ મંદાકિનીનું જીવન બદલાઈ ગયું
દાઉદ સાથેની તેમની તસવીર સામે આવ્યા બાદ ઘણો વિવાદ થયો હતો અને તેને લઈને અનેક પ્રકારની અટકળો લગાવવામાં આવી હતી. મંદાકિનીએ જણાવ્યું કે આ સમગ્ર વિવાદની તેમની ફિલ્મી કારકિર્દી પર ઘણી અસર પડી હતી. તેમણે કહ્યું કે આ વિવાદને કારણે ઘણું નુકસાન થયું હતું. બાદમાં તેમને સમજાયું કે આવી બાબતો સંભાળવા માટે એક ટીમ હોવી જોઈએ. તેમણે દરેક જગ્યાએ આ અફવાઓનું ખંડન કર્યું હતું.
https://www.instagram.com/p/DdO4bKekqAH/?utm_source=ig_web_copy_link&stkn=MzRlODBiNWFlZA==
રામ તેરી ગંગા મૈલીથી મળી ઓળખ
મંદાકિનીએ ફિલ્મ રામ તેરી ગંગા મૈલીથી બોલીવુડમાં પગ મૂક્યો હતો. રાજ કપૂરના દિગ્દર્શનમાં બનેલી આ ફિલ્મ મોટી હિટ રહી હતી અને મંદાકિનીને 1980ના દાયકાની જાણીતી અભિનેત્રીઓમાં સ્થાન અપાવ્યું હતું. તે સમયે મંદાકિની નવી અભિનેત્રી હતી અને તેમની ઉંમર માત્ર 16 વર્ષ હતી. ફિલ્મમાં ગંગાનું પાત્ર ભજવીને તેમણે દર્શકોના મનમાં પોતાની ખાસ જગ્યા બનાવી હતી. રામ તેરી ગંગા મૈલીની સફળતા બાદ મંદાકિનીએ હિન્દી સિનેમામાં સતત કામ કર્યું હતું. પોતાની કારકિર્દીમાં તેમણે 75થી વધુ ફિલ્મોમાં કામ કર્યું અને અનિલ કપૂર, મિથુન ચક્રવર્તી તથા ગોવિંદા સહિતના અનેક મોટા કલાકારો સાથે સ્ક્રીન શેર કરી હતી.
આ પણ વાંચો-Hanuman Ansh : 300 કરોડની નજીક પહોંચતાં જ ફિલ્મને લાગ્યો મોટો ઝટકો! મેકર્સના મોટા પ્લાનિંગ પર ફરી વળ્યું પાણી!
