મનોજ તિવારી મનોરંજન અને રાજકારણની દુનિયાનું જાણીતું નામ બની ચૂક્યા છે. હવે તેમની દીકરી રિતિ પોતાની ઓળખ બનાવવા માટે બિગ બોસના ઘરમાં પહોંચી છે. રિતિએ બિગ બોસ 20માં સ્પર્ધક તરીકે પ્રવેશ કર્યો છે. રિતિ શોમાં પોતાના અંગત જીવન વિશે વાત કરતી જોવા મળી રહી છે. તેણે જણાવ્યું કે મનોજ તિવારીની દીકરી હોવાને કારણે તેને કેટલું દબાણ સહન કરવું પડે છે. તેમનું કહેવું છે કે લોકો ઘણીવાર તેમને માત્ર તેમના પિતાની ઓળખ સાથે જોડીને જુએ છે, જ્યારે તે આ શો દ્વારા પોતાની અલગ ઓળખ બનાવવા માગે છે.
રીતિએ કર્યો મોટો ખુલાસો
9 સપ્ટેમ્બરે આવેલા એપિસોડમાં રિતિએ મેરી કોમ, ઉદિતિ સિંહ અને અરીશ્ફા ખાન સાથે વાતચીત દરમિયાન કહ્યું, મારા પર હંમેશાં બમણું દબાણ રહ્યું છે. હું જે પણ બોલીશ, લોકો કહેશે કે મનોજ તિવારીની દીકરીએ આવું કહી દીધું, તે આવી છે. તેણે આગળ જણાવ્યું કે તેને જીવથી મારી નાખવાની અને રેપની ધમકીઓ પણ મળે છે, કારણ કે તે તેની દીકરી છે. લોકો માને છે કે તેમનો અભિપ્રાય પણ મનોજ તિવારી જેવો જ હશે અને તેમના નામના કારણે લોકો તેને નિશાન બનાવે છે.
https://www.instagram.com/reel/DdDf6RyqOQC/?utm_source=ig_web_copy_link&stkn=MzRlODBiNWFlZA==
માતા-પિતાના તૂટેલા લગ્નથી રિતિ પર ઊંડી અસર
આ દરમિયાન રિતિએ કનિકા માન સાથેની વાતચીતમાં જણાવ્યું કે તેના માતા-પિતા અલગ થયા બાદ સંબંધો અંગેના તેના વિચાર પર કેવી અસર પડી. રિતિએ કહ્યું કે તેણે પોતાની માતાને એકલી માતા તરીકે મુશ્કેલીઓનો સામનો કરતા જોઈ છે. આ વાતની તેના મન પર ઊંડી અસર પડી છે. તેણે જણાવ્યું કે તેના જીવનમાં એવા પુરુષો આવ્યા જે તેના પર ઘણું નિયંત્રણ રાખવા માગતા હતા અને તે નથી ઇચ્છતી કે કોઈ વ્યક્તિ તેના જીવન પર આટલી સત્તા મેળવી લે.
રિતિએ કહ્યું, મારો બોયફ્રેન્ડ નથી, કારણ કે મેં મારા માતા-પિતાને અલગ થતા જોયા છે. મારી માતા એકલી છે અને મેં તેમની મુશ્કેલીઓ જોઈ છે. હું માત્ર પૈસા કમાવવા અને આત્મનિર્ભર બનવા માગું છું. હું મારા બેસ્ટ ફ્રેન્ડને પ્રેમ પણ કરતી હતી, પરંતુ હવે મને લાગે છે કે મારે પોતાની જાત અને કારકિર્દી પર ધ્યાન આપવું જોઈએ. આ સીઝનમાં કનિકા માન, આસિફ ખાન, મેરી કોમ, ઈશા રિખી, કાઝી તૌકીર, રિતિ તિવારી, અમ્રપાલી દુબે, લવ ગિલ, હર્ષ માચરે ઉર્ફે યંગ ડીએસએ, તન્મય સિંહ ઉર્ફે સ્કાઉટઓપી, અરીશ્ફા ખાન, કુશલ તંવર ઉર્ફે ગુલ્લૂ, માહી વિજ, અમન ગાંધી અને ઉદિતિ સિંહ સ્પર્ધક તરીકે સામેલ છે.
આ પણ વાંચો-Badshah Divorce Truth : બાદશાહની એક્સ વાઇફે છૂટાછેડા અને બીજા લગ્ન પર તોડ્યું મૌન! સામે લાવી દીધું મોટું સત્ય
