ઓટીટી પર દર અઠવાડિયે કોઈ ને કોઈ સિરીઝ કે ફિલ્મ રિલીઝ થતી રહે છે પણ લાંબા સમય સુધી તેમાંથી બહુ ઓછી ટ્રેન્ડિંગ લિસ્ટમાં ટકી શકે છે. પરંતુ 3 મહિના પહેલાં એક સિરીઝ રિલીઝ થઈ હતી જે હજુ પણ ટોપ 10 માં ટ્રેન્ડ કરી રહી છે. આ સિરીઝ જુલાઈમાં નેટફ્લિક્સ પર રિલીઝ થઈ હતી અને ઓક્ટોબરમાં પણ આ 8 એપિસોડની સિરીઝ ટોપ 10 માં ટ્રેન્ડ કરી રહી છે. એટલું જ નહીં તેને IMDb પર 7.6 નું જોરદાર રેટિંગ મળ્યું છે.
શું છે રોમેન્ટિક સિરીઝની સ્ટોરી?
વાર્તા એક શાંત સ્વભાવના સોફ્ટવેર એન્જિનિયર ચંદરની છે જે લખવાનું અને એક કેફે ખોલવાનું સપનું જુએ છે. જોબ કરતી વખતે જ તેની મુલાકાત એકદમ આઝાદ વિચારોવાળી અને બિન્દાસ ડિવોર્સ લોયર સુધા સાથે થાય છે. માતા-પિતા દ્વારા ગોઠવાયેલા લગ્ન માટે મળ્યા પછી, તેઓ પરિવારના દબાણથી બચવા માટે કેઝ્યુઅલ ડેટિંગ કરવાનું નક્કી કરે છે. પરંતુ પરિસ્થિતિ એવી બને છે કે તેઓ લિવ-ઈન રિલેશનશિપમાં રહેવા લાગે છે, જ્યાં તેઓ પોતાના વધતા પ્રેમ અને સાવ અલગ કરિયરના લક્ષ્યો વચ્ચે તાલમેલ બેસાડવાનો પ્રયત્ન કરે છે.
