બોલીવુડથી લઈને સાઉથ સુધી એવા ઘણા કલાકારો છે, જેમની કારકિર્દી ઉતાર-ચઢાવ ભરેલી રહી છે. કોઈ મોટા સ્ટાર હોવા છતાં ફ્લોપ ફિલ્મોને કારણે સાઈડ લાઈન થઈ ગયા, તો કોઈ વિવાદોમાં ફસાઈ ગયા. પ્રયાગા માર્ટિનની સફર પણ કંઈક આવી જ રહી છે. પ્રયાગાએ નાની ઉંમરમાં જ ફિલ્મી દુનિયામાં ડગ માંડ્યા હતા અને મલયાલમ સુપરસ્ટાર મોહનલાલની ફિલ્મથી ડેબ્યૂ કર્યું હતું. ત્યારબાદ એક હોરર ફિલ્મમાં ભૂતનું પાત્ર ભજવીને તે રાતોરાત સ્ટાર બની ગઈ, પરંતુ અચાનક તેની કારકિર્દીની રફ્તાર ધીમી પડી ગઈ.
નાની ઉંમરે કરી શરૂઆત
પ્રયાગાએ ખૂબ જ નાની ઉંમરે ફિલ્મોમાં કામ કરવાનું શરૂ કર્યું હતું. તેણે મલયાલમ ફિલ્મ સાગર એલિયાસ જેકી રીલોડેડથી ડેબ્યૂ કર્યું, જેમાં મોહનલાલ મુખ્ય ભૂમિકામાં હતા. પ્રયાગાએ આમાં નાનો રોલ કર્યો હતો, પણ તે લોકોનું ધ્યાન ખેંચવામાં સફળ રહી. પ્રયાગાએ પાંચ વર્ષની ઉંમરથી જ ડાન્સ શીખવાનું શરૂ કરી દીધું હતું. તેણે ભરતનાટ્યમ અને કુચિપુડી જેવા ડાન્સ ફોર્મ્સમાં ટ્રેનિંગ લીધી છે.
એક જાહેરાતે બદલી કિસ્મત
પ્રયાગાના જીવનમાં મોટો વળાંક ત્યારે આવ્યો જ્યારે તમિલ ડાયરેક્ટર મૈસકિનની નજર તેના પર પડી. એક જાહેરાતમાં તેને જોયા પછી ડાયરેક્ટરે તરત જ તેને પોતાની ફિલ્મ પિસાસુ માં કાસ્ટ કરી લીધી. વર્ષ 2014માં આવેલી આ હોરર ફિલ્મમાં તેણે ભૂતનો રોલ કર્યો હતો. આ રોલથી તે ખૂબ જ લોકપ્રિય થઈ અને તેને ઘણી ફિલ્મોની ઓફર મળવા લાગી. જોકે, ત્યારબાદ તેને ખાસ સફળતા મળી નહીં.
આ ફિલ્મોમાં જોવા મળી
પિસાસુ સિવાય પ્રયાગાએ ફુકરી, રામલીલા અને ઓરુ પઝાયા બોમ્બ કથા જેવી ફિલ્મોમાં કામ કર્યું. તેણે કન્નડ ફિલ્મ ગીતામાં પણ મહત્વની ભૂમિકા ભજવી હતી, પરંતુ આ બધી ફિલ્મો પછી પણ તેની કરિયર બહુ ઊંચાઈ પર પહોંચી શકી નહીં.
ડ્રગ કેસમાં નામ ઉછળ્યું
વર્ષ 2024માં પ્રયાગા માર્ટિન અચાનક ત્યારે ચર્ચામાં આવી જ્યારે તેનું નામ એક ડ્રગ કેસમાં જોડાયું. રિપોર્ટ્સ મુજબ, એક ગેંગસ્ટરના હોટેલ રૂમમાં થયેલી પાર્ટીની તપાસમાં તેનું નામ સામે આવ્યું હતું. જોકે, પ્રયાગાએ આ આરોપોને ખોટા ગણાવ્યા હતા અને પછી પોલીસ તપાસમાં તેને ક્લીન ચીટ મળી ગઈ હતી.
આ પણ વાંચો-Disha Vakani : પિતાના અંતિમ સંસ્કારમાં ધ્રુસકે ને ધ્રુસકે રડી દિશા વાકાણી, કેમેરા જોઈ છુપાવ્યો ચહેરો!
