નિતેશ તિવારીની ફિલ્મ રામાયણ ટૂંક સમયમાં સિનેમાઘરોમાં રિલીઝ થવા જઈ રહી છે. આ ફિલ્મના પહેલા ભાગનું એડવાન્સ બુકિંગ દશેરાના દિવસે એટલે કે રિલીઝના 15 દિવસ પહેલાં શરૂ કરવામાં આવ્યું હતું. હવે ફિલ્મની ટિકિટ બુકિંગની ઝડપ વધુ તેજ બની ગઈ છે અને ફિલ્મ પ્રી-સેલ્સ કલેક્શનના નવા રેકોર્ડ સતત પાર કરી રહી છે. સૌથી મહત્વની બાબત એ છે કે દેશભરમાં ઘણા શોની તમામ ટિકિટો અગાઉથી જ વેચાઈ ચૂકી છે. ફિલ્મની એડવાન્સ બુકિંગમાં IMAX શોની સૌથી વધુ માંગ જોવા મળી રહી છે.
રામાયણને લઈને દર્શકોમાં જબરદસ્ત ક્રેઝ
રામાયણ એ એડવાન્સ બુકિંગ દ્વારા અત્યાર સુધીમાં 8.72 કરોડ રૂપિયાની કમાણી કરી લીધી છે અને આશરે 2 લાખ ટિકિટો વેચાઈ ચૂકી છે. શરૂઆતમાં એડવાન્સ બુકિંગની કમાણીમાં હિન્દી વર્ઝનનો હિસ્સો સૌથી વધારે હતો, પરંતુ છેલ્લા બે દિવસમાં કન્નડ અને તેલુગુ વર્ઝન માટે પણ વધુ શો શરૂ થવા લાગ્યા છે.
ફિલ્મના કુલ એડવાન્સ બુકિંગમાં હજુ પણ હિન્દી વર્ઝનની ભાગીદારી 87 ટકા છે. બીજી તરફ, કન્નડ વર્ઝન લગભગ 100 સ્ક્રીન પર ઉપલબ્ધ છે અને તેની કમાણી 1 કરોડ રૂપિયાની નજીક પહોંચી રહી છે. કેટલાક થિયેટરોમાં સવારના શોની 72 ટકા સુધી સીટો બુક થઈ ચૂકી છે. જ્યારે તેલુગુ વર્ઝનના શો હાલ માત્ર 10 થી 15 સ્ક્રીન પર જ ખૂલ્યા છે અને તેનું એડવાન્સ બુકિંગ 1 લાખ રૂપિયાનો આંકડો માંડ પાર કરી શક્યું છે. સેકનિલ્કના અહેવાલ મુજબ, ફિલ્મના ચાર શો અગાઉથી જ હાઉસફુલ થઈ ગયા છે, જેમાં બે તેલુગુ અને બે હિન્દી શો સામેલ છે.
IMAX ટિકિટોના વેચાણમાં 400 ટકાનો ઉછાળો
'રામાયણ' ના એડવાન્સ બુકિંગમાં અત્યાર સુધી IMAX અને 4DX જેવા પ્રીમિયમ ફોર્મેટનું સૌથી મોટું યોગદાન જોવા મળી રહ્યું છે. ભારતમાં ફિલ્મના કુલ શોમાંથી માત્ર 3.8 ટકા શો IMAX માં છે, છતાં અત્યાર સુધીની કુલ કમાણીમાં તેનો હિસ્સો લગભગ 25 ટકા જેટલો છે.
ઉપલબ્ધ આંકડા મુજબ, રેગ્યુલર શોની 4,100 થી વધુ સ્ક્રીનિંગમાં આશરે 1.5 લાખ ટિકિટો વેચાઈ છે, એટલે કે દરેક રેગ્યુલર શો માટે સરેરાશ 35 ટિકિટ બુક થઈ છે. તેની સરખામણીએ IMAX શોની 140 સ્ક્રીનિંગમાં 23 હજારથી વધુ ટિકિટો વેચાઈ ચૂકી છે. એટલે કે IMAX ના દરેક શોમાં સરેરાશ 170 ટિકિટો બુક થઈ છે, જે સામાન્ય શો કરતાં લગભગ 5 ગણી વધારે છે.
https://www.instagram.com/reel/De5wWfTxK6S/?utm_source=ig_web_copy_link&rpxt=MzRlODBiNWFlZA==&srtk=MzRlODBiNWFlZA==
ખાસ વાત એ છે કે IMAX ની સરેરાશ ટિકિટ કિંમત 1,095 રૂપિયા છે, જ્યારે સામાન્ય શોની ટિકિટ આશરે 380 રૂપિયાની છે. આ ઉપરાંત 4DX, ICE અને DOLBY CINE જેવા ફોર્મેટમાં પણ અત્યાર સુધી અલગ-અલગ ભાષાઓમાં 12 હજારથી વધુ ટિકિટો વેચાઈ ગઈ છે.
5 નવેમ્બરે રિલીઝ થશે પહેલો ભાગ
નમિત મલ્હોત્રાના પ્રાઇમ ફોકસ સ્ટુડિયોઝે DNEG અને યશની મોન્સ્ટર માઇન્ડ ક્રિએશન્સ સાથે મળીને રામાયણ બનાવી છે. આ ફિલ્મ બે ભાગમાં રિલીઝ થશે. તેમાં રણબીર કપૂર ભગવાન રામ, સાંઈ પલ્લવી માતા સીતા, યશ રાવણ, રવિ દુબે લક્ષ્મણ અને સની દેઓલ ભગવાન હનુમાનના પાત્રમાં જોવા મળશે. ફિલ્મનો પહેલો ભાગ 5 નવેમ્બર 2026 ના રોજ વિશ્વભરમાં રિલીઝ થશે, જ્યારે બીજો ભાગ દિવાળી 2027 પર સિનેમાઘરોમાં આવશે. આ બંને ફિલ્મો ભારતમાં હિન્દી, તમિલ, તેલુગુ, કન્નડ અને મલયાલમ ભાષાઓમાં રજૂ કરવામાં આવશે.
આ પણ વાંચો-Guess Who : બોલીવુડનો સુલતાન છે આ નાનો બાળક! 100થી વધુ ફિલ્મો અને 3000 કરોડની નેટવર્થ!
