બોલીવુડમાં એકથી એક ચઢિયાતી ફિલ્મ બનાવવામાં આવી છે. હિન્દી સિનેમાની કેટલીક ફિલ્મો તો એવી છે, જેનો ઉલ્લેખ વર્ષો પછી પણ થાય છે. આજે અમે તમને એક એવી જ ફિલ્મ વિશે જણાવી રહ્યા છીએ, જેમાં એક બે નહીં પરંતુ 29 સ્ટાર્સ હતા. એટલું જ નહીં પરંતુ ફિલ્મની રિલીઝ પહેલા બધાને લાગ્યું કે આ ફ્લોપ થઈ જશે, પરંતુ જ્યારે આ બોક્સ ઓફિસ પર આવી, તો તેણે ધમાલ મચાવી દીધી.
મલ્ટીસ્ટાર ફિલ્મ રંગ દે બસંતી
અમે જે ફિલ્મની વાત કરી રહ્યા છીએ, તે બીજી કોઈ નહીં પરંતુ વર્ષ 2006માં આવેલી મલ્ટીસ્ટાર ફિલ્મ રંગ દે બસંતી છે. આમિર ખાનની ફિલ્મ રંગ દે બસંતી એ ટિકિટ બારી પર આવતાની સાથે જ આખું વાતાવરણ બદલી નાખ્યું હતું અને ફિલ્મે ધમાકેદાર કલેક્શન કર્યું હતું. આ ફિલ્મને રાકેશ ઓમપ્રકાશ મેહરાએ ડાયરેક્ટ કરી હતી.
28 કરોડ હતું બજેટ
આ ફિલ્મમાં દેશભક્તિ, મિત્રતા અને સિસ્ટમ વિરુદ્ધ યુવાનોના ગુસ્સાને એવી રીતે બતાવવામાં આવ્યો છે કે ફિલ્મે આવતાની સાથે જ કમાલ કરી દીધી હતી અને તેની વાર્તા દરેકને ખૂબ જ પસંદ આવી હતી. બજેટની વાત કરીએ તો આ ફિલ્મને અંદાજે 28 કરોડ રૂપિયાના બજેટમાં બનાવવામાં આવી હતી.
ફિલ્મ રંગ દે બસંતીની કમાણી
રિપોર્ટ્સ મુજબ ફિલ્મ રંગ દે બસંતી એ દુનિયાભરમાં લગભગ 97 કરોડ રૂપિયાની કમાણી કરી હતી. આ ફિલ્મમાં આમિર ખાન, આર માધવન, સિદ્ધાર્થ, કુણાલ કપૂર, શર્મન જોશી, અતુલ કુલકર્ણી, સોહા અલી ખાન, વહીદા રહેમાન અને એલિસ પેટન સહિત ઘણા કલાકારો જોવા મળ્યા હતા.
જીત્યા હતા 49 એવોર્ડ્સ
ફિલ્મની રિલીઝ પહેલા પરિસ્થિતિ ખૂબ અલગ હતી. હાલત એવી હતી કે મેકર્સે કલાકારોને ફી પણ પાછી આપવાની અપીલ કરી દીધી હતી, પરંતુ જેવી આ ફિલ્મ બોક્સ ઓફિસ પર આવી, તો તેણે કમાલ કરી દીધી અને નેશનલ એવોર્ડ, ફિલ્મફેર, આઈફા અને ઝી સિને એવોર્ડ્સ સહિત કુલ 49 એવોર્ડ્સ પોતાના નામે કરી લીધા. ફિલ્મની IMDb રેટિંગની વાત કરીએ તો આ ફિલ્મને 8.1 ની શાનદાર રેટિંગ મળી છે.
આ પણ વાંચો- 51 વર્ષ પહેલા રિલીઝ થયેલી ધર્મેન્દ્રની એ ફિલ્મ જે થિયેટરોમાં ચાલી હતી 5 વર્ષ સુધી, બોક્સ ઓફિસ પર રચ્યો હતો ઇતિહાસ!
