ફિલ્મી દુનિયાના કલાકારો દરેક ઇન્ડસ્ટ્રીમાં પોતાનો હાથ અજમાવે છે. પછી ભલે તે હિન્દી હોય, સાઉથ હોય કે પછી હોલીવુડ કેમ ન હોય? ક્યારેક સ્ટાર્સનું ડેબ્યૂ સુપરહિટ સાબિત થાય છે, તો ઘણી વખત મોટા મોટા સ્ટાર્સને પણ ફ્લોપનો સામનો કરવો પડે છે. આજે અમે તમને એક એવી સાઉથ એક્ટ્રેસ વિશે જણાવી રહ્યા છીએ, જેના પર 4000 કરોડનો દાવ લાગ્યો છે, પરંતુ તેમનું બોલીવુડ ડેબ્યૂ ફ્લોપ થઈ ગયું છે.
ફેમસ અભિનેત્રી સાઈ પલ્લવી
આપણે જેના વિશે વાત કરી રહ્યા છીએ, તે બીજું કોઈ નહીં પણ સાઉથની લોકપ્રિય અભિનેત્રી સાઈ પલ્લવી છે. સાઈ પલ્લવી અત્યારે પોતાના બોલીવુડ ડેબ્યૂને લઈને ચર્ચામાં છે. સાઈએ આમિર ખાનના પુત્ર જુનૈદ ખાન સાથે ફિલ્મ એક દિનથી બોલીવુડમાં ડેબ્યૂ કર્યું છે, જે અત્યારે સુરખીઓમાં છે કારણ કે આ ફિલ્મ ફ્લોપ થતી જોવા મળી રહી છે.
બોલીવુડ ડેબ્યૂ થયું ફ્લોપ
એક તરફ સાઈનું ફ્લોપ બોલીવુડ ડેબ્યૂ છે, તો બીજી તરફ અભિનેત્રી પર 4000 કરોડનો દાવ લાગ્યો છે. સાઈ પલ્લવી, રણબીર કપૂર સાથે 4000 કરોડની ફિલ્મ રામાયણમાં જોવા મળવાની છે, જેને લઈને અત્યારથી જ બઝ બની રહ્યો છે, પરંતુ સાઈના ફ્લોપ ડેબ્યૂએ ફિલ્મ રામાયણના મેકર્સની ટેન્શન વધારી દીધી છે અને હવે મેકર્સ મોટો નિર્ણય લઈ શકે છે.
મેકર્સ લઈ શકે છે મોટો નિર્ણય!
ફિલ્મ એક દિનની રિલીઝ પછી લોકોએ તેને કોઈ ખાસ પ્રતિસાદ આપ્યો નથી અને લોકોએ રિવ્યૂ આપતા કહ્યું કે સાઈ પલ્લવીની હિન્દીમાં દક્ષિણ ભારતીય લહેકો (એક્સેન્ટ) સ્પષ્ટ સંભળાય છે. તેથી હવે ફિલ્મ રામાયણના મેકર્સ મોટો નિર્ણય લઈ શકે છે. રિપોર્ટ મુજબ, ફિલ્મના મેકર્સ ડબિંગ આર્ટિસ્ટની મદદ લઈ શકે છે.
હજુ સુધી કોઈ સત્તાવાર માહિતી આવી નથી
ફિલ્મ એક દિનના ફ્લોપ થયા પછી રામાયણના મેકર્સ, સાઈ પલ્લવીના કેટલાક સંવાદોને ડબિંગ આર્ટિસ્ટ પાસે ડબ કરાવવા પર વિચાર કરી શકે છે. અત્યારે આ કન્ફર્મ નથી, પરંતુ સાંભળવામાં આવું જ આવી રહ્યું છે. કહેવામાં આવી રહ્યું છે કે ફિલ્મની ભાષાને વધુ શુદ્ધ બનાવવા માટે આ પગલું ઉઠાવવામાં આવી રહ્યું છે, જેથી દર્શકોને રામાયણનો ઓરિજિનલ અનુભવ કરાવી શકાય.
આ પણ વાંચો- Mollywood : 3 લગ્ન અને 3 છૂટાછેડા! 44 વર્ષીય એક્ટ્રેસે લગ્નજીવનના કડવા અનુભવો કર્યા શેર!
