સાઉથ સ્ટાર સમંથા રૂથ પ્રભુ હંમેશા પોતાના અંગત જીવનને લઈને ચર્ચામાં રહે છે. નાગા ચૈતન્યથી છૂટાછેડા બાદ દરેક વ્યક્તિ સમંથાના અંગત જીવન અંગે વાત કરી રહી છે. સમંથા આજકાલ તેની લવ લાઈફના કારણે અવાર-નવાર ચર્ચાનો વિષય છે. અહેવાલો અનુસાર, તે ડિરેક્ટર રાજ નિદિમોરુને ડેટ કરી રહી છે. બંને ઘણી વખત સાથે જોવા મળે છે પરંતુ બંનેએ ડેટિંગ સમાચાર પર મૌન જાળવી રાખ્યું છે.
સામંથા ઘણીવાર સોશિયલ મીડિયા પર એવા ફોટા શેર કરે છે જેમાં તે રાજ નિદિમોરુ સાથે જોવા મળે છે. બંને વચ્ચેના સંબંધો વધુ ગાઢ બન્યા છે અને તેઓ આ વર્ષના અંત સુધીમાં તેમના સંબંધોને સત્તાવાર બનાવી શકે છે.
શું સામંથા ફરીથી લગ્ન કરશે?
અહેવાલ મુજબ, સમય જતાં બંને વચ્ચેના સંબંધો ગાઢ બન્યા છે. બંને આ વર્ષના અંત સુધીમાં તેમના સંબંધોને સત્તાવાર બનાવવાની યોજના બનાવી રહ્યા છે. બંને એકબીજા પ્રત્યે ખૂબ જ પ્રતિબદ્ધ છે. ફેન્સને આશા છે કે સામંથા તેના જીવનમાં આગળ વધશે અને ફરીથી લગ્ન કરી શકે છે. જોકે, લગ્ન વિશે હજુ સુધી કોઈ સમાચાર બહાર આવ્યા નથી. થોડા સમય પહેલા એવા અહેવાલો આવ્યા હતા કે સામંથા રાજ નિદિમોરુ સાથે રહેવાની યોજના બનાવી રહી છે. પરંતુ પાછળથી તેની ટીમે કહ્યું કે આ અહેવાલો ખોટા છે. તેમણે સ્પષ્ટ કર્યું કે આ સમાચાર ખોટા છે.
તમને જણાવી દઈએ કે રાજ નિદિમોરુએ વર્ષ 2015માં શ્યામલી ડે સાથે લગ્ન કર્યા હતા. બંને 2022માં અલગ થઈ ગયા હતા પરંતુ અત્યાર સુધી તેમના છૂટાછેડા વિશે કોઈ માહિતી નથી. સામંથાની વાત કરીએ તો, તેણીએ 2017માં નાગા ચૈતન્ય સાથે લગ્ન કર્યા હતા. આ લગ્ન લાંબા સમય સુધી ટકી શક્યા નહીં અને વર્ષ 2021માં બંનેના છૂટાછેડા થઈ ગયા હતા.
