પોપ્યુલર એક્ટ્રેસ અને સોશિયલ મીડિયા ઈન્ફ્લુએન્સર સંદીપા વિર્ક અવારનવાર કોઈને કોઈ કારણસર ચર્ચામાં રહે છે. હવે તે પોતાના લેટેસ્ટ ઈન્ટરવ્યુને લઈને ચર્ચામાં છે. સંદીપાએ યૂટ્યુબ ચેનલ TDM Manthanને આપેલા ઈન્ટરવ્યુમાં ઈન્ડસ્ટ્રી વિશે ખુલીને વાત કરી છે. તેણે એન્ટરટેઈનમેન્ટ ઈન્ડસ્ટ્રીના કાળા સત્ય, કાસ્ટિંગ કાઉચ અને તિહાર જેલમાં વિતાવેલા પોતાના મુશ્કેલ દિવસો વિશે ઘણા ચોંકાવનારા ખુલાસા કર્યા છે.
સંદીપા વિર્કે શું કહ્યું?
સંદીપાએ પોતાની રીતે ગ્લેમરની દુનિયા સાથે જોડાયેલી એવી ઘણી વાતો જણાવી, જે શોબિઝની ચમક-દમક પાછળ છુપાયેલી રહે છે. જ્યારે તેમને પૂછવામાં આવ્યું કે તેમણે માત્ર એક જ પંજાબી ફિલ્મ કેમ કરી અને ત્યાર પછી ઈન્ડસ્ટ્રીથી અંતર કેમ રાખ્યું, તો એક્ટ્રેસે આ મુદ્દે ખુલીને વાત કરી.
સંદીપા વિર્કે ખોલી ઈન્ડસ્ટ્રીની પોલ
સંદીપાએ કહ્યું, મારી પાસે કોઈ ચોઈસ નહોતી. પંજાબી ઈન્ડસ્ટ્રીમાં ઘણા ખરાબ લોકો છે. હું એક ફિલ્મનું શૂટિંગ કરી રહી હતી. ત્યારે ડાયરેક્ટરે અડધી રાતે મારા રૂમમાં આવી ગયો. તેણે મને કહ્યું કે મારે કોમ્પ્રોમાઈઝ કરવું પડશે. ડાયરેક્ટર દારૂ પીધેલો હતો. તે મારા બેડ પર બેસી ગયો હતો. મેં સાફ ના પાડી દીધી, તો તેણે મને ફિલ્મમાંથી કાઢી મૂકવાની ધમકી આપી. અમે 7 દિવસનું શૂટિંગ પૂરું કરી લીધું હતું. મને લાગ્યું કે તેઓ મને નહીં કાઢે, પણ મેં કોમ્પ્રોમાઈઝ ન કર્યું, એટલે તેણે મને ફિલ્મમાંથી બહાર કાઢી મૂકી.
https://www.instagram.com/reel/DYTwslURMIj/?utm_source=ig_web_copy_link&stkn=MzRlODBiNWFlZA==
કાસ્ટિંગ કાઉચનો શિકાર બની સંદીપા વિર્ક
સંદીપાએ આગળ કહ્યું, પંજાબી મ્યુઝિક વીડિયોમાં પણ મારી સાથે આવું ઘણી વખત બન્યું છે. ક્યારેક કોઈ લીડ એક્ટર મારી સાથે સૂઈ જવા કહે છે, તો ક્યારેક કોઈ ડાયરેક્ટર. દરેક ઈન્ડસ્ટ્રીમાં આવું ચાલે છે. બોલીવુડમાં પણ મારી સાથે એક વાર આવું બની ચૂક્યું છે. તો સાઉથ ઈન્ડસ્ટ્રી વિશે પણ મેં એક કેમેરામેન પાસેથી આવો જ એક કિસ્સો સાંભળ્યો છે.
આજકાલ શું કરી રહી છે સંદીપા વિર્ક
સંદીપા વિર્ક પોતાની લાઈફમાં ખૂબ જ મુશ્કેલ સમયમાંથી પસાર થઈ ચૂકી છે. 6 કરોડ રૂપિયાના મની લોન્ડ્રિંગ કેસમાં એક્ટ્રેસને લગભગ સાડા 4 મહિના તિહાર જેલમાં રહેવું પડ્યું હતું. આ દિવસોમાં સંદીપા મીડિયા ઈન્ટરવ્યુ, પોડકાસ્ટ અને સોશિયલ મીડિયા દ્વારા પોતાની આપવીતી અને તિહાર જેલ સાથે જોડાયેલા અનુભવો શેર કરી રહી છે.
આ પણ વાંચો-Retro Music : પહાડી લોકસંસ્કૃતિથી પ્રેરિત હતું મંદાકિનીનું આઇકોનિક ગીત! લતા મંગેશકરના અવાજમાં બન્યું સદાબહાર!
