બોલીવુડમાં આજના સમયમાં ઘણા એવા એક્ટર્સ છે, જેમણે પોતાની મહેનત અને દમદાર એક્ટિંગથી દુનિયાભરમાં ખૂબ ઓળખ બનાવી છે. એવું જ એક મોટું નામ શાહરૂખ ખાનનું છે, જેઓ ભારતના સૌથી મોટા સુપરસ્ટાર છે. દુનિયાભરમાં તેમના ચાહકો છે. તેમને બોલીવુડના બાદશાહ કહેવામાં આવે છે. તેમની પાસે કોઈ પણ વસ્તુની કોઈ ખામી નથી. અહેવાલો અનુસાર તેમની નેટવર્થ 12 હજાર કરોડ રૂપિયાથી વધારે છે. બોલીવુડના દિગ્ગજ એક્ટર પંકજ કપૂરે તાજેતરમાં જ શાહરૂખ સાથે જોડાયેલો એક રસપ્રદ કિસ્સો શેર કર્યો છે.
NSDની કેન્ટીનમાં સમોસા સપ્લાય કરતા હતા શાહરૂખ ખાન
પંકજ કપૂર દિલ્હીના નેશનલ સ્કૂલ ઓફ ડ્રામાના સ્ટુડન્ટ રહ્યા છે. તેમણે જણાવ્યું કે 70s ના દાયકામાં જ્યારે તેઓ NSD માં હતા ત્યારે તે સમયે શાહરૂખ પણ ત્યાં આવતા હતા અને તેઓ ઘણીવાર ત્યાં કેન્ટીનમાં સમોસા સર્વ કરતા હતા. પંકજ કપૂરે કહ્યું, NSD માં ઇન્ટરવલ દરમિયાન સમોસા પીરસવામાં આવતા હતા. ઘણી વખત શાહરૂખ ખાન સમોસા સપ્લાય કરતા હતા. શાહરૂખ તે સમયે 10 વર્ષના હતા. પંકજ કપૂરે એ પણ જણાવ્યું કે NSD માં શાહરૂખના પિતા અથવા તેમના અંકલ કેન્ટીન ચલાવતા હતા, એટલા માટે શાહરૂખ અવારનવાર ત્યાં આવતા હતા.
શાહરૂખ ખાન પણ કરી ચૂક્યા છે NSD નો ઉલ્લેખ
શાહરૂખ ખાન પણ આ વિશે જણાવી ચૂક્યા છે. વર્ષ 2016માં એક ઇન્ટરવ્યૂમાં શાહરૂખે કહ્યું હતું, હું નેશનલ સ્કૂલ ઓફ ડ્રામાનો ભાગ નહોતો, પરંતુ હું ત્યાંના ઘણા એક્ટર્સ સાથે કામ કરતો હતો. મનોજ બાજપેયી પણ ત્યાંના નહોતા, પરંતુ તેમણે અને મેં રઘુબીર યાદવ જેવા એક્ટર્સ સાથે કામ કર્યું, જેઓ NSD નો ભાગ હતા. જ્યારે અમે દિલ્હીમાં થિયેટર કરતા હતા ત્યારે તેઓ અમારા બોલવાની રીત અને ઉચ્ચારણને વધુ સારા બનાવવામાં મદદ કરતા હતા. મેં તેમની પાસેથી ઘણું શીખ્યું છે. મારા પિતા NSD માં કેન્ટીન ચલાવતા હતા અને આ જ કારણે હું ત્યાંના બધા શાનદાર એક્ટર્સને જાણી શક્યો.
શાહરૂખ ખાનની અપકમિંગ ફિલ્મ
શાહરૂખ ખાનના વર્કફ્રન્ટની વાત કરીએ તો તેઓ લાંબા સમયથી પોતાની અપકમિંગ ફિલ્મ કિંગ પર બિઝી ચાલી રહ્યા છે. આ ફિલ્મમાં તેઓ તો દેખાશે જ, સાથે જ તેમની દીકરી સુહાના પણ આમાં નજરે પડવાની છે. શાહરૂખ આ ફિલ્મ દ્વારા સુહાનાને સિલ્વર સ્ક્રીન પર લોન્ચ કરી રહ્યા છે. આ જ વર્ષે 24 ડિસેમ્બરના રોજ આ ફિલ્મ સિનેમાઘરોમાં રિલીઝ થવાની છે. આ ફિલ્મનું ડાયરેક્શન સિદ્ધાર્થ આનંદ કરી રહ્યા છે.
આ પણ વાંચો-Disaster Film : 120 કરોડનું આંધણ! વર્ષ 2015ની બોલીવુડની એ મહાફ્લોપ ફિલ્મ જેણે ડૂબાડી દીધા મેકર્સના કરોડો રૂપિયા!
