પોતાના ગીતોની સાથે-સાથે રેપર હની સિંહ પોતાની પર્સનલ લાઈફને લઈને પણ ઘણી લાઈમલાઈટ મેળવી છે. ક્યારેક સફળતાના સાતમા આસમાને સવાર રહેલા હની સિંહ અચાનક જ ડ્રગ્સની ખરાબ લતના કારણે અંધારામાં ખોવાઈ ગયા હતા. હનીના ખરાબ સમયમાં સુપરસ્ટાર શાહરૂખ ખાને તેમની મદદ કરી હતી અને તેમને નશાથી દૂર રહેવાની સલાહ પણ આપી હતી. પરંતુ, એકવાર શાહરૂખ, હની પર ભડકી ગયા હતા અને તેમના એક ગીતને બકવાસ ગણાવી દીધું હતું. જોકે, હનીએ શાહરૂખને ખોટા સાબિત કરી દીધા હતા.

શાહરૂખ સાથે હતા ઓસ્ટ્રેલિયા ટૂર પર

હની સિંહ અભિનેતા શાહરૂખ ખાન સાથે પણ કામ કરી ચૂક્યા છે અને તેમણે તેમની સાથે એકવાર ઓસ્ટ્રેલિયા ટૂર પણ કરી હતી. હની સિંહે કર્લી ટેલ્સને આપેલા એક જૂના ઇન્ટરવ્યુમાં જણાવ્યું હતું, ચાર બોતલ વોડકા ગીત 2013માં બન્યું હતું. જ્યારે હું ઓસ્ટ્રેલિયા ટૂર પર શાહરૂખ ખાનની સાથે હતો. પંજાબી કોમ્યુનિટીએ ત્યાં ઘણો વિરોધ કર્યો. કેટલાક લોકોએ કહ્યું કે આ પંજાબી કલ્ચરનું નામ ખરાબ કરી રહ્યો છે અને આ અહીં નહીં આવે. શાહરૂખ ભાઈએ બોલ્યા કે આ નહીં આવે તો ટૂર નહીં થાય. આખરે, એ ટૂર થઈ. મને બોલ્યા કે તું આને દિલ પર ન લે. 500 લોકો વિરોધ કરી રહ્યા છે, પરંતુ 15,000 લોકો તો તારા માટે પાગલ થઈ રહ્યા છે. મારું દિલ તૂટી ગયું હતું.

શાહરૂખે હનીના ગીતને ગણાવ્યું બકવાસ

હનીના જણાવ્યા મુજબ તેઓ પોતાના રૂમમાં ગયા જ્યાં તેમની સાથે એક કોરિયોગ્રાફર અને એક ડાન્સર પણ હતો. હનીએ જણાવ્યું હતું કે મેં એક બોતલ ખોલી અને લેપટોપ પર બીટ બનાવવા લાગ્યો. એક બોતલ ખતમ કર્યા પછી બીજી અને પછી ત્રીજી બોતલ ખોલી. આ પછી લાઇન લખી- ચાર બોતલ વોડકા કામ મેરા રોજ કા. ગીત તૈયાર થઈ ગયું અને  સવારે હનીએ શાહરૂખને આ ગીત સંભળાવ્યું. હનીએ કહ્યું હતું, મેં કહ્યું કે ભાઈ રાત્રે મેં એક ગીત બનાવ્યું છે, સાંભળો. તેમણે સાંભળ્યું અને કહ્યું કે આ બકવાસ ગીત છે, ચાલશે નહીં.

હિટ સાબિત થયું સોંગ

હનીએ આગળ કહ્યું હતું, મેં કહ્યું કે આ ચાલશે અને પછી ગીત મોટું હિટ રહ્યું. આ ગીતનો ઉપયોગ વર્ષ 2014માં રિલીઝ થયેલી ફિલ્મ રાગિની એમએમએસ 2માં કરવામાં આવ્યો હતો. આ ગીત એક્ટ્રેસ સની લિયોની પર ફિલ્માવવામાં આવ્યું હતું. આ ગીતને યુટ્યુબ પર 31 કરોડથી વધુ વ્યુઝ મળ્યા છે.

આ પણ વાંચો-Riteish Deshmukh : બોક્સ ઓફિસ પર રાજા શિવાજીની સુનામી! 28 દિવસ પછી પણ થિયેટરો હાઉસફુલ!