71માં રાષ્ટ્રીય ફિલ્મ પુરસ્કારોના વિજેતાઓની યાદી બહાર આવી છે. 33 વર્ષના કરિયરમાં પહેલીવાર શાહરૂખ ખાનને રાષ્ટ્રીય પુરસ્કાર મળ્યો. પુરસ્કાર પ્રાપ્ત કર્યા બાદ સેલેબ્સ અને ફેન્સ કિંગ ખાનને અભિનંદન આપી રહ્યા છે. શાહરૂખને શ્રેષ્ઠ અભિનેતાનો પુરસ્કાર મળ્યો અને તેણે હવે તેના ઇન્સ્ટાગ્રામ પર એક ભાવનાત્મક વીડિયો શેર કર્યો છે. આ સિવાય વિક્રાંત મેસીને 12મી ફેલમાં દમદાર અભિનય માટે શ્રેષ્ઠ અભિનેતાનો પુરસ્કાર મળ્યો જ્યારે રાની મુખર્જીને શ્રેષ્ઠ અભિનેત્રીનો પુરસ્કાર મળ્યો છે.


શાહરૂખ ખાને માન્યો આભાર

શાહરૂખ ખાને પોતાના ઇન્સ્ટાગ્રામ પર એક વીડિયો પોસ્ટ કર્યો છે. વીડિયોમાં તે કહે છે કે, 'નમસ્કાર. આદાબ. રાષ્ટ્રીય પુરસ્કારથી સન્માનિત થવું એ મારા માટે એક એવી ક્ષણ છે જેને હું મારા બાકીના જીવનભર યાદ રાખીશ. રાષ્ટ્રીય પુરસ્કાર ફક્ત એક સિદ્ધિ નથી તે મને યાદ અપાવે છે કે મારું કાર્ય મહત્વનું છે. તે મને સખત મહેનત કરતા રહેવા, આગળ વધતા રહેવા, સર્જનાત્મક રહેવા અને સિનેમાની સેવા કરતા રહેવાનો સંદેશ આપે છે. હું વચન આપું છું કે હું આ સન્માનનો ઉપયોગ અંતિમ લાઈન તરીકે નહીં પરંતુ સતત પ્રયાસ અને શીખવા માટે ઊર્જા તરીકે કરીશ.'

રાની મુખર્જી અને વિક્રાંત મેસીએ આપી પ્રતિક્રિયા

રાની મુખર્જીએ 'મિસિસ ચેટર્જી વર્સિસ નોર્વે' માટે શ્રેષ્ઠ અભિનેત્રીનો એવોર્ડ જીત્યો હતો અને આ તેમનો પહેલો રાષ્ટ્રીય પુરસ્કાર છે. તેમણે કહ્યું કે, 'રાષ્ટ્રીય પુરસ્કાર જીતીને હું ખૂબ જ ખુશ છું. મારા 30 વર્ષના કરિયરમાં આ પહેલો રાષ્ટ્રીય પુરસ્કાર છે. વિક્રાંત મેસીએ કહ્યું હતું કે, આજે જો હું એમ કહું છું તો 20 વર્ષના છોકરાનું સ્વપ્ન સાકાર થયું છે. મારા અભિનયની પ્રશંસા કરવા અને આ ફિલ્મને આટલા પ્રેમથી ભલામણ કરવા બદલ હું હંમેશા દર્શકોનો આભારી રહીશ. શાહરૂખ ખાન જેવા દિગ્ગજ કલાકાર સાથે મારો પહેલો રાષ્ટ્રીય પુરસ્કાર શેર કરવો એ મારા માટે સૌભાગ્યની વાત છે.'


  • Follow us on: