શ્રદ્ધા કપૂરની સ્ત્રી 2 પછી પ્રશંસકો લાંબા સમયથી તેને મોટા પડદા પર જોવા માટે બેતાબ છે. હવે શ્રદ્ધા કપૂર એકવાર ફરીથી થિયેટરોમાં ધમાકો કરવા માટે પૂરી રીતે તૈયાર છે. શ્રદ્ધાની મોસ્ટ અવેટેડ મૂવી ઈથાને લઈને ઘણા સમયથી ચર્ચા ચાલી રહી હતી. હવે આનો ફર્સ્ટ લુક સામે આવી ગયો છે. શ્રદ્ધાની ઈથાનું ટીઝર સોશિયલ મીડિયા પર ખૂબ વાયરલ થઈ રહ્યું છે, જેમાં તેનો ખૂબ જ દમદાર અવતાર જોવા મળ્યો. ઈથાનું ટીઝર કોકટેલ 2ની સાથે રિલીઝ કરવામાં આવ્યું, જેના પછી લોકોએ તેને ઇન્ટરનેટ પર વાયરલ કરી દીધું.
શ્રદ્ધા કપૂરનો ક્યારેય ન જોયેલો અવતાર આવ્યો સામે
શ્રદ્ધા કપૂરની ઈથાનું પહેલું ટીઝર કોકટેલ 2ની સાથે સિનેમાઘરોમાં બતાવવામાં આવ્યાના થોડા જ સમય બાદ ઓનલાઈન લીક થઈ ગયું, જેને જોઈને પ્રશંસકોની એકસાઈટમેન્ટ વધી ગઈ છે. આ ટીઝર શાહિદ કપૂર, કૃતિ સેનન અને રશ્મિકા મંદાના સ્ટારર કોકટેલ 2ની સાથે બતાવવામાં આવ્યું હતું, જે 19 જૂનના રોજ દેશભરના થિયેટરોમાં રિલીઝ થઈ. ઈથાના આ ટીઝરમાં શ્રદ્ધા કપૂરનો તે અવતાર જોવા મળ્યો, જે તેણે પહેલા ક્યારેય નથી કર્યો.
શ્રદ્ધા કપૂરની ઈથાનું ટીઝર
વાયરલ થઈ રહેલા ઈથાના ટીઝરમાં શ્રદ્ધા કપૂર ટ્રેડિશનલ સાડી લુકમાં જોવા મળી. ક્લિપની શરૂઆત શ્રદ્ધાના પ્રેગ્નેન્ટ મહિલાના પાત્રથી થાય છે. આ ટીઝરમાં શ્રદ્ધાને લેબર પેઈનમાંથી પસાર થતી બતાવવામાં આવી છે અને પછીના દ્રશ્યોમાં શ્રદ્ધા એક ડાન્સર તરીકે જોવા મળી. આ ક્લિપને જોયા પછી પ્રશંસકો તેના વખાણ કરતા થાકતા નથી અને ફિલ્મ જોવા માટે બેતાબ છે.
ક્યારે રિલીઝ થશે ઈથા?
શ્રદ્ધા કપૂરની ઈથા વિઠાબાઈ નારાયણગાંવકરની બાયોપિક છે, જેમને તમાશા ક્વીનના નામથી ઓળખવામાં આવે છે અને જેઓ મહારાષ્ટ્રની લોક-નાટ્ય પરંપરામાં એક મશહૂર હસ્તી રહ્યા છે. આ ફિલ્મમાં શ્રદ્ધા કપૂર લીડ રોલમાં છે, જ્યારે રણદીપ હુડ્ડા અને મોહમ્મદ ઝીશાન અય્યુબ પણ મહત્વના રોલ ભજવતા જોવા મળશે. મ્યુઝિક કમ્પોઝર અતુલ-અજયે આ મ્યુઝિકલ પીરિયડ ડ્રામા માટે સંગીત તૈયાર કર્યું છે, જેની વાર્તા 1950 અને 1980 ના દાયકા વચ્ચેની છે. આ બાયોપિકનું ડિરેક્શન લક્ષ્મણ ઉતેકર કરી રહ્યા છે અને તેને દિનેશ વિજાનની મેડોક ફિલ્મ્સ પ્રોડ્યુસ કરી રહી છે. આ ફિલ્મ 28 ઓગસ્ટના રોજ થિયેટરોમાં રિલીઝ થશે.
આ પણ વાંચો-ધુરંધરના આ એક્ટરે બેક-ટુ-બેક આપી હતી 14 FLOP ફિલ્મો, ઘરનું ભાડું ચૂકવવાના પણ નહોતા પૈસા!
