ટીવી સિરિયલ કહાની ઘર ઘર કી ફેમ શ્વેતા ક્વાત્રા આ દિવસોમાં ચર્ચામાં આવી ગઈ છે. હાલમાં જ તેણે એક ઇન્ટરવ્યુ આપ્યો, જેમાં તેણે પોતાના જૂના દિવસોને યાદ કરતા કેટલાય ખુલાસા કર્યા. જો કે, કાસ્ટિંગ કાઉચને લઈને તેણે એક એવું નિવેદન આપ્યું, જેણે બધાને હેરાન કરી દીધા. તેણે જણાવ્યું કે કાસ્ટિંગ કાઉચના કારણે તે ખૂબ જ હ્યુમિલિએટેડ ફીલ કરી રહી હતી.
કોમ્પ્રોમાઇઝ માટે પૂછે છે...
શાયની નારંગ સાથેની વાતચીતમાં શ્વેતાએ જણાવ્યું કે, કાસ્ટિંગ કાઉચ સિવાય મિડલ એજન્ટ અને મિડિયેટરના કારણે કેટલીક એવી વસ્તુઓ થતી હતી, જે ખૂબ જ અજીબ હતી. શરૂઆતમાં તેઓ સીધા કોમ્પ્રોમાઇઝ માટે પૂછે છે, જો કે હું સમજી ન શકી કે તેઓ કહેવા શું માગે છે. પછીથી તેઓ કોમ્પ્રોમાઇઝનો અર્થ સમજાવવા માટે ફની એક્સપ્રેશન આપવા લાગ્યા. છોકરી હોવાના નાતે આ સમજવું ખૂબ જ મુશ્કેલ હતું.
ઓડિશનમાં કહ્યું 'કપડાં ઉતારો'
આ સિવાય તેણે એક વાત જણાવતા કહ્યું, એક હોટેલમાં ઓડિશન માટે ગઈ હતી, ત્યાં આશરે 60 થી 70 છોકરીઓ હતી અને કેટલીય મોડેલ્સ હતી, તેથી આ અનસેફ જેવું લાગ્યું નહીં. અંદર જવા પર ત્યાં ડાયરેક્ટર, રાઇટર અને પ્રોડ્યુસર બેઠા હતા. તેમણે મને કહ્યું વાંચી લીધું, તો મેં કહ્યું હા. પછી તેમણે વોક કરવા માટે કહ્યું, તે પણ મેં કરીને બતાવી દીધું. પરંતુ તેમણે અચાનક કહ્યું, સ્ટ્રિપ (કપડાં ઉતારો). મને લાગ્યું કે મારાથી સાંભળવામાં કોઈ ગેરસમજ થઈ છે, પરંતુ તેમણે ફરીથી કહ્યું સ્ટ્રિપ.
https://www.instagram.com/p/DYRB1HmiKLS/?utm_source=ig_web_copy_link&igsh=NTc4MTIwNjQ2YQ==
સ્વિમ કોસ્ટ્યુમમાં જોવા માગતા હતા
તેણે આગળ કહ્યું, તે સમયે માણસ કેટલું હ્યુમિલિએટેડ, એન્ગ્રી અને હેલ્પલેસ ફીલ કરે છે. બહાર તો લોકો છે, પરંતુ આ રૂમમાં પણ છે. જો કે આ બેસ્ટ છે કે તમે ડમ્બ બિહેવ કરવા લાગો. પછી મેં કહ્યું કે કેમ? તો તેમણે કહ્યું, સ્વિમિંગ કોસ્ટ્યુમ માટે. ત્યારે મારું મોં જ બંધ થઈ ગયું હતું કે શું બોલું, પરંતુ મેં હિંમત કરીને પૂછ્યું, તો તેમણે જવાબ આપ્યો કે અમે જોવા માગીએ છીએ કે સ્વિમ સૂટમાં તમે કેવી દેખાઓ છો. તે સમયે મેં બસ થેન્ક યુ કહ્યું અને બહાર જતી રહી.
શ્વેતાના શોઝ અને ફિલ્મ
વર્ષ 2000 માં કહાની ઘર ઘર કી સિરિયલથી શ્વેતાને ખૂબ જ પોપ્યુલારિટી મળી અને શોમાં તેના નેગેટિવ પાત્રને ખૂબ જ પસંદ કરવામાં આવ્યું. આ પછી તે કુમકુમ: એક પ્યારા સા બંધન, સીઆઈડી અને બાલવીર જેવા શોઝમાં નજરે આવી. એટલું જ નહીં, તે મર્ડર 2, રામ સેતુ, અઝહર અને માય બ્રધર નિખિલ જેવી ફિલ્મોમાં પણ કામ કરી ચૂકી છે.
આ પણ વાંચો-Box Office Clash : યશની Toxicથી ક્લેશ ટાળશે શ્રદ્ધા કપૂર? Eethaની રિલીઝ ડેટ બદલાશે!
