સોનાક્ષી સિંહાની ફિલ્મ તૂ હૈ મેરી કિરણ રિલીઝ થયાને 5 દિવસ થઈ ચૂક્યા છે, પરંતુ આ ફિલ્મ બોક્સ ઓફિસ પર ખરાબ રીતે પિટાઈ ગઈ છે. ફિલ્મને શરૂઆતથી જ દર્શકો તરફથી ઠંડો રિસ્પોન્સ મળી રહ્યો છે અને તેની કમાણીમાં કોઈ મોટો ઉછાળો જોવા મળ્યો નથી. પાંચમા દિવસે ફિલ્મનું કલેક્શન લાખોમાં સીમિત રહી ગયું છે. આ ફિલ્મમાં સોનાક્ષી સિંહાના પતિ ઝહીર ઇકબાલ પણ તેમની સાથે જોવા મળી રહ્યા છે. બંનેની જોડી પણ ફિલ્મને બોક્સ ઓફિસ પર ગતિ અપાવી શકી નથી.
5મા દિવસે લાખોમાં સીમિત રહી કમાણી
સેકનિલ્ક મુજબ, સોનાક્ષી સિંહા અને ઝહીર ઇકબાલની ફિલ્મ તૂ હૈ મેરી કિરણ ફિલ્મે રિલીઝના 5મા દિવસે માત્ર 3 લાખ રૂપિયાની કમાણી કરી છે, જેથી તેની કુલ ઇન્ડિયા નેટ કમાણી આશરે 40 લાખ રૂપિયા થઈ ગઈ છે. તેનું ગ્રોસ કલેક્શન 46 લાખ રૂપિયા થઈ ચૂક્યું છે.
https://www.instagram.com/p/De989HBkg-N/?utm_source=ig_web_copy_link&srtk=MzRlODBiNWFlZA==
તૂ હૈ મેરી કિરણ ફિલ્મે પહેલા દિવસે 14 લાખ રૂપિયાની કમાણી સાથે શરૂઆત કરી હતી, પરંતુ ત્યાર પછી કલેક્શનમાં સતત ઘટાડો જોવા મળ્યો. બીજા અને ત્રીજા દિવસે ફિલ્મે 10-10 લાખ રૂપિયા કમાયા હતા. ચોથા દિવસે તેની કમાણી ઘટીને 3 લાખ રૂપિયા થઈ ગઈ હતી અને પાંચમા દિવસે પણ ફિલ્મે માત્ર 3 લાખ રૂપિયાનું કલેક્શન કર્યું છે.
તૂ હૈ મેરી કિરણની સ્ટોરી
23 ઓક્ટોબર 2026ના રોજ રિલીઝ થયેલી તૂ હૈ મેરી કિરણ એક સાયકોલોજિકલ થ્રિલર ફિલ્મ છે, જેનું ડિરેક્શન કરણ રાવલે કર્યું છે. આ ફિલ્મમાં સોનાક્ષી સિંહા અને ઝહીર ઇકબાલ સાથે અંકિત ગુપ્તા પણ લીડ રોલમાં છે. આ ફિલ્મની સ્ટોરી બેસ્ટસેલર લેખિકા કિરણની આસપાસ ફરે છે, જે 2026માં પોતાના પતિ રિયાન સાથે એક ખુશહાલ જીવન જીવી રહી છે. આ પછી તેની વાતચીત વર્ષ 2016ના એક અજાણ્યા વ્યક્તિ સમર સાથે થવા લાગે છે, જ્યાંથી આખી સ્ટોરીમાં નવા વળાંક અને ટ્વિસ્ટ શરૂ થાય છે.
આ પણ વાંચો-South Couple : રશ્મિકા બાદ હવે ટ્રોલર્સ પર ભડક્યા વિજય દેવરકોંડા, 'બધા જાય ભાડમાં...' કહી બંધ કરી બોલતી!
