બોલીવુડ અભિનેતા અભિષેક બચ્ચન હંમેશા સોશિયલ મીડિયા પર સક્રિય રહે છે. ફેન્સ તેમની રમૂજની ભાવનાને ખૂબ પસંદ કરે છે. અભિષેક પોતાની શૈલી માટે પણ ખૂબ જ લોકપ્રિય છે. હાલમાં એશિયા કપ ચાલી રહ્યો છે જેમાં પાકિસ્તાન અને ભારત બંને ફાઇનલમાં પહોંચી રહ્યા છે. લોકો ફાઇનલ મેચની આતુરતાથી રાહ જોઈ રહ્યા છે. આ દરમિયાન પાકિસ્તાની ક્રિકેટર શોએબ અખ્તરે ફાઇનલની ચર્ચા કરતી વખતે ભૂલથી અભિષેક શર્માને બદલે અભિષેક બચ્ચનનું નામ લીધું.
શોએબ અખ્તરે કરી આ ભૂલ
ત્યારબાદ અભિષેક બચ્ચને એક વીડિયો શેર કર્યો અને પાકિસ્તાની ક્રિકેટ ટીમને ટ્રોલ કરી હતી. વાયરલ વીડિયોમાં શોએબ અખ્તર કહે છે કે, 'જો પાકિસ્તાન અભિષેક બચ્ચનને વહેલા આઉટ કરે છે તો તેમના મિડલ ઓર્ડરનું શું થશે? તેમનો મિડલ ઓર્ડર સારું પ્રદર્શન કરી શકતો નથી.
અભિષેક બચ્ચને શોએબને કર્યો ટ્રોલ
શોએબે અભિષેક બચ્ચનનું નામ લેતાની સાથે જ પેનલે તેને સુધારીને કહ્યું હતું કે, 'બચ્ચન નહીં પણ અભિષેક શર્મા.' આ વીડિયો હવે વાયરલ થઈ રહ્યો છે. વીડિયો શેર કરતા અભિષેક બચ્ચને ટ્રોલ પર કટાક્ષ કર્યો હતો. તેણે લખ્યું હતું કે, 'સાહેબ, પૂરા આદર સાથે...મને નથી લાગતું કે તે આવું પણ કરી શકે! અને હું ક્રિકેટમાં પણ સારો નથી. અભિષેકની પોસ્ટ સોશિયલ મીડિયા પર વાયરલ થઈ રહી છે.'
યુઝર્સે અભિષેક બચ્ચનની પોસ્ટ પર આપી પ્રતિક્રિયા
અભિષેક બચ્ચને શોએબ અખ્તરને પીચ પર પગ મૂક્યા વિના જ ક્લીન બોલ્ડ કરી દીધો હતો. તેને ક્રિકેટ રમવાની જરૂર નથી...તેના ટ્વીટ્સ સિક્સર મારવા માટે પૂરતા છે. બીજાએ લખ્યું હતું કે, અખ્તરે અભિષેક શર્માને 'અભિષેક બચ્ચન' કહ્યો? ભાઈ તમે એક જ ટુર્નામેન્ટમાં ભારત સામે બે વાર હારી ગયા છો તેથી તમારું મન અને જીભ ખરાબ થઈ ગઈ છે. તમને જણાવી અભિષેક બચ્ચન ટૂંક સમયમાં શાહરૂખ ખાન અને સુહાના ખાન સાથે કિંગમાં જોવા મળશે. અહેવાલો અનુસાર, તે વિલનની ભૂમિકા ભજવશે.
