સૌથી લોકપ્રિય કોમેડી શો 'ભાભી જી ઘર પર હૈ' વિશે મોટા અને સનસનાટીભર્યા સમાચાર બહાર આવી રહ્યા છે. નવ વર્ષ પહેલાં નિર્માતાઓ સાથેના વિવાદ બાદ શો છોડી દેનાર શિલ્પા શિંદે 'અંગૂરી ભાભી' ની ભૂમિકામાં પાછી ફરી શકે છે. મળતી માહિતી અનુસાર, ચેનલ અને નિર્માતાઓએ અભિનેત્રી શુભાંગી અત્રેને બદલવા માટે શિલ્પા શિંદે સાથે વાતચીત શરૂ કરી છે, જે હાલમાં અંગૂરી ભાભીનું પાત્ર ભજવે છે.
શિલ્પા શિંદે શોમાં કરશે વાપસી
બંને પક્ષો વચ્ચે ચર્ચાઓ પ્રગતિના તબક્કામાં હોવાનું જાણવા મળે છે અને ટૂંક સમયમાં અંતિમ નિર્ણય લેવામાં આવી શકે છે. આ કોમેડી શો છેલ્લા 10 વર્ષથી દર્શકોનું મનોરંજન કરી રહ્યો છે. શિલ્પા શિંદેએ તેના ડેબ્યૂના એક વર્ષ પછી શો છોડી દીધો હતો. ત્યારથી, શુંભાગી અત્રે અંગૂરી ભાભીની ભૂમિકા ભજવી રહી છે. જોકે, હવે નિર્માતાઓને લાગે છે કે શોને પુનર્જીવિત કરવાની જરૂર છે. જો શિલ્પા શોમાં પાછા ફરવા માટે સંમત થાય છે, તો નિર્માતાઓ તેને એક નવા મેકઓવર સાથે રજૂ કરશે, 2.0 વર્ઝન. હાલમાં, તે &TV પર નંબર વન શો છે.
