તારક મહેતા કા ઉલ્ટા ચશ્મા ટીવીના લોકપ્રિય શોમાંથી એક છે. આ શો છેલ્લા 18 વર્ષથી દર્શકોનું મનોરંજન કરી રહ્યો છે અને તેના આવનારા એપિસોડની ફેન્સ આતુરતાથી રાહ જુએ છે. હવે તારક મહેતનો નવો પ્રોમો સામે આવ્યો છે, જેમાં જેઠાલાલ એટલે કે દિલીપ જોશી અને બબીતાજી એટલે કે મુનમુન દત્તા વચ્ચે રોમેન્ટિક અંદાજ જોવા મળી રહ્યો છે. બંનેને આ રીતે નજીક જોઈને ફેન્સ પણ જોરદાર પ્રતિક્રિયા આપી રહ્યા છે.
બબીતાજીને બાહોમાં પકડીને જોવા મળ્યા જેઠાલાલ
તારક મહેતા કા ઉલ્ટા ચશ્માનો નવો પ્રોમો સામે આવતાં જ સોશિયલ મીડિયા પર છવાઈ ગયો છે. પ્રોમોમાં જોવા મળે છે કે બબીતાજી પોતાના મિત્ર જેઠાલાલના ઘરે ટેબલ પાસે દીવા પ્રગટાવી રહી છે. બીજી તરફ જેઠાલાલ નજીકમાં પોતું કરી રહ્યા છે. અચાનક જેઠાલાલનું પોતું બબીતાજીના પગ સાથે અથડાય છે, જેના કારણે તેમનો પગ લપસી જાય છે અને તેઓ સીધા જેઠાલાલની બાહોમાં જઈ પડે છે.
https://www.instagram.com/reel/DdZL9ThjEZA/?utm_source=ig_web_copy_link&stkn=MzRlODBiNWFlZA==
જેઠાલાલનું સપનું થયું પૂરું!
લગભગ 2 સેકન્ડ સુધી બબીતાજી જેઠાલાલની બાહોમાં જ રહે છે. તે સમયે તેમને કંઈ સમજાતું નથી, જ્યારે જેઠાલાલ તેમને એકીટશે જોતા રહે છે. જેઠાલાલ માટે તો આ ક્ષણ કોઈ સપનાથી ઓછી નથી. ત્યાર બાદ બબીતાજી સંભાળીને ઊભી થાય છે અને તેમને બચાવવા બદલ જેઠાલાલનો આભાર માને છે. ફેન્સ આ એપિસોડની આતુરતાથી રાહ જોઈ રહ્યા છે.
જેઠાલાલને બબીતાજી પર છે ક્રશ
જેઠાલાલને શરૂઆતથી જ બબીતાજી પર ક્રશ છે. તેઓ અવારનવાર શોમાં તેમની પ્રશંસા કરતા જોવા મળે છે અને તેમને પોતાની સૌથી સારી મિત્ર પણ કહે છે. બબીતાજી સામે આવતાં જ જેઠાલાલનો અંદાજ પણ બદલાઈ જાય છે, જે શોની મજેદાર ક્ષણોમાંથી એક છે.
ફેન્સને દયાબેનની આવી યાદ
જેઠાલાલ અને બબીતાજીનો આ સીન સામે આવ્યા બાદ ફેન્સ કમેન્ટ સેક્શનમાં દયાબેન એટલે કે દિશા વાકાણીને યાદ કરી રહ્યા છે. એક યુઝરે લખ્યું, દયા ભાભી ગોકુલધામ પાછા આવો. અન્ય એક યુઝરે લખ્યું, સૌથી નસીબદાર માણસ. બીજા યુઝરે કમેન્ટ કરી, ભાઈનું સપનું પૂરું થવા બદલ દિલથી શુભેચ્છા. જેઠાલાલની તો લોટરી લાગી ગઈ આજે. જ્યારે એક ફેને લખ્યું, જેઠાની આ હરકતો જોઈને દયા નથી આવી રહી.
તારક મહેતા કા ઉલ્ટા ચશ્મા...
તારક મહેતા કા ઉલ્ટા ચશ્મા ટીવી પર લાંબા સમયથી ચાલી રહેલા કોમેડી શોમાંથી એક છે. અસિત કુમાર મોદીના પ્રોડક્શન હેઠળ બનેલો આ શો વર્ષ 2008માં શરૂ થયો હતો. શોની કહાણી મુંબઈની ગોકુલધામ સોસાયટીમાં રહેતા અલગ-અલગ પરિવારો અને તેમની વચ્ચે બનતી મજેદાર ઘટનાઓની આસપાસ ફરે છે. જેઠાલાલ, દયાબેન, બબીતાજી, ભીડે અને સોઢી જેવા પાત્રોએ દર્શકોમાં પોતાની ખાસ ઓળખ બનાવી છે.
આ પણ વાંચો-Doordarshan પર સવાર-સવારમાં ગૂંજતું હતું રાની મુખર્જીનું આ ગીત! 27 વર્ષ વીત્યા છતાં નથી ઘટ્યો જાદુ!
