સિટકોમ ટીવી શો તારક મહેતા કા ઉલ્ટા ચશ્મામાં સૌથી વધુ ફી લેવાના મામલે જેઠાલાલ સૌથી આગળ છે. તેઓ આ શોના સૌથી મોંઘા અભિનેતા છે. અહેવાલો અનુસાર, તેઓ દરેક એપિસોડ માટે 1.5-2 લાખ રૂપિયા ફી લે છે. જોકે, તાજેતરમાં મયૂર વાકાણીએ કહ્યું છે કે તેઓ આ શોના સૌથી મોંઘા અભિનેતા છે. મયૂર આ શોમાં જેઠાલાલના સાળા એટલે કે દયાના ભાઈનું પાત્ર ભજવે છે.
જેઠાલાલ કરતાં મયૂરની ફી ઓછી, પરંતુ નિર્માતાઓ માટે વધુ ખર્ચાળ
જેઠાલાલની સરખામણીમાં મયૂરની ફી તો ઘણી ઓછી હશે, પરંતુ તેણે સમજાવ્યું છે કે આખરે તે નિર્માતાઓ માટે કેવી રીતે મોંઘા સાબિત થાય છે. હકીકતમાં, તારક મહેતા કા ઉલ્ટા ચશ્મામાં મુંબઈની ગોકુલધામ સોસાયટીની કહાની બતાવવામાં આવે છે. શોનું શૂટિંગ પણ મુંબઈમાં જ થાય છે. જોકે, મયૂર શોની જેમ વાસ્તવિક જીવનમાં પણ અમદાવાદમાં રહે છે. શોમાં તેમનું પાત્ર હંમેશાં નહીં, પરંતુ ક્યારેક કહાનીની જરૂરિયાત પ્રમાણે જોવા મળે છે. જ્યારે પણ તેમના પાત્રની જરૂર પડે છે, ત્યારે પ્રોડક્શન ટીમ પોતાના ખર્ચે તેમને અમદાવાદથી મુંબઈ બોલાવે છે. એક સીન માટે પણ તેમને ફ્લાઇટ દ્વારા બોલાવવામાં આવે છે અને ફ્લાઇટથી જ પરત મોકલવામાં આવે છે. મયૂરનું કહેવું છે કે આ રીતે તેઓ પ્રોડક્શન માટે મોંઘા અભિનેતા બની જાય છે.
https://www.instagram.com/reel/DbWbNcxRKjB/?utm_source=ig_web_copy_link&igsh=MzRlODBiNWFlZA==