સંજય લીલા ભણસાલી, સુભાષ ઘઈ, રાજકુમાર હિરાણી, રોહિત શેટ્ટી, યશ ચોપરા અને અનુરાગ કશ્યપ જેવા અનેક પુરૂષ દિગ્દર્શકો છે, જેમણે બોલીવુડમાં એકથી એક ચઢિયાતી કલ્ટ ક્લાસિક ફિલ્મો આપી. પરંતુ હિન્દી સિનેમાની મહિલા દિગ્દર્શકો વિશે બહુ ઓછા લોકો જાણતા હશે. તેમણે એવી હિટ ફિલ્મો આપી છે કે જેના માટે તેમને લેડી ધુરંધર કહેવું પણ ખોટું નથી.
મેઘના ગુલઝાર
ડાયરેક્ટર મેઘના ગુલઝારે પોતાની કારકિર્દીમાં ઘણી ફિલ્મો આપી છે. નિર્દેશક તરીકે મેઘનાએ ઇન્ડસ્ટ્રીને એવી ફિલ્મો આપી છે જેને લોકો આજે પણ યાદ કરે છે. તેમની યાદીમાં છપાક, સેમ બહાદુર, રાઝી અને તલવાર જેવી શાનદાર ફિલ્મો સામેલ છે. આ ફિલ્મોએ બોક્સ ઓફિસ પર પણ કમાલનું પ્રદર્શન કર્યું હતું.
જોયા અખ્તર
જોયા અખ્તર બોલીવુડના શ્રેષ્ઠ દિગ્દર્શકોમાંના એક છે. તેમણે લક બાય ચાન્સ (2009), ઝિંદગી ના મિલેગી દોબારા (2011), દિલ ધડકને દો (2015), ગલી બોય (2019) અને ધ આર્ચીઝ (2023) જેવી હિટ ફિલ્મો આપી છે. તેમણે થિયેટરથી લઈને OTT સુધી પોતાનો દમ બતાવ્યો અને પ્રેક્ષકોને શ્રેષ્ઠ એન્ટરટેઈનર ફિલ્મો આપી.
કિરણ રાવ
આમિર ખાનની એક્સ વાઈફ કિરણ રાવે નિર્માતા તરીકે ઘણી હિટ ફિલ્મો આપી છે. તેમણે દંગલ પ્રોડ્યુસ કરી હતી અને તેનો રેકોર્ડ અત્યાર સુધી કોઈ તોડી શક્યું નથી. તે જ સમયે, કિરણ રાવે નિર્દેશક તરીકે લાપતા લેડીઝ જેવી હિટ ફિલ્મ આપી. આ ફિલ્મ નેટફ્લિક્સ પર રિલીઝ કરવામાં આવી હતી અને તેને ઓસ્કર માટે નોમિનેશન પણ મળ્યું હતું.
રીમા કાગતી
ડાયરેક્ટર રીમા કાગતીને તલાશ (2012), ગોલ્ડ (2018), ગલી બોય (2019) અને મેડ ઇન હેવન (2019-2023) જેવી ફિલ્મો અને સીરીઝ માટે ઓળખવામાં આવે છે. તેમજ દહાડ (2023) અને ખો ગયે હમ કહાં (2023) જેવી ફિલ્મો OTT પ્લેટફોર્મ પર રિલીઝ થઈ હતી, જેના પર પ્રેક્ષકોએ ઘણો પ્રેમ વરસાવ્યો હતો.
અશ્વિની અય્યર તિવારી
ડાયરેક્ટર અશ્વિની અય્યર તિવારીનું નામ પણ આ યાદીમાં સામેલ છે. તેમણે નીલ બટે સન્નાટા (2015), બરેલી કી બરફી (2017) અને પંગા (2020) જેવી ફિલ્મો આપી છે. બરેલી કી બરફી અને પંગાને ઇન્ડસ્ટ્રીની શ્રેષ્ઠ ફિલ્મોમાં ગણવામાં આવે છે.
ફરાહ ખાન
ફરાહ ખાને એકથી એક ચઢિયાતી ફિલ્મો આપી છે. તેમણે મૈં હૂં ના (2004), ઓમ શાંતિ ઓમ (2007), તીસ માર ખાં (2010) અને હેપ્પી ન્યૂ યર (2014) જેવી ફિલ્મો આપી. આ ફિલ્મોને લોકોએ ખૂબ પસંદ કરી અને બોક્સ ઓફિસ પર પણ શાનદાર પ્રદર્શન કર્યું.
નંદિતા દાસ
નંદિતા દાસ એક શ્રેષ્ઠ અભિનેત્રી હોવા ઉપરાંત ડાયરેક્ટર પણ છે, જેમણે 10 થી વધુ ભાષાઓમાં 40 થી વધુ ફિલ્મોમાં અભિનય કર્યો છે. તેમણે ફિરાક (2008), મન્ટો (2018) અને ઝ્વિગાટો (2022) જેવી ફિલ્મોનું નિર્દેશન કર્યું છે. ખાસ કરીને મન્ટો જેવી ફિલ્મ માટે નંદિતા દાસને યાદ કરવામાં આવે છે.
આ પણ વાંચો-Bhooth Bangla : અક્ષય કુમારની ફિલ્મે પહેલા દિવસે મચાવ્યો ધમાલ, કરી નાખ્યું અધધ... કરોડનું કલેક્શન!
