ટીવીની દુનિયામાં આ અઠવાડિયે મોટો ઉલટફેર જોવા મળ્યો છે. TRP યાદીમાં જ્યાં કેટલાક સીરિયલ્સે પોતાની પકડ મજબૂત કરી છે, તો વળી કેટલાકના રેન્કિંગમાં ઘટાડો થયો છે. નવાઈની વાત એ છે કે ગંગા માઈ કી બેટિયાં એ વસુધા પાસેથી નંબર 1 ની ખુરશી છીનવી લીધી છે.
ગંગા માઈ કી બેટિયાં
અમનદીપ સિદ્ધુ અને શુભાંગી લટકરનો પોપ્યુલર શો ગંગા માઈ કી બેટિયાં આ અઠવાડિયે TRPની રેસમાં સૌથી આગળ રહ્યો. આ શોએ વસુધા પાસેથી નંબર 1 ની ગાદી છીનવી લીધી છે. આ શોને 1.9 ની TRP રેટિંગ મળી છે. આ શોમાં એક માતા અને તેની દીકરીઓના સ્ટ્રગલને દર્શાવવામાં આવ્યો છે.
વસુધા
ઝી ટીવીનો પોપ્યુલર શો વસુધા બીજા નંબર પર આવી ગયો છે. આ અઠવાડિયે આ શોને 1.9 ની રેટિંગ મળી છે. ગયા અઠવાડિયે આ શો નંબર એક પર હતો. પ્રિયા ઠાકુર, અભિષેક શર્મા, નૌશીન અલી સરદાર અને પરિણીતા બોરઠાકુર જેવા એક્ટર્સથી સજ્જ આ શોની સ્ટોરી ગામડાની એક સાધારણ, ચુલબુલી અને મહેનતુ છોકરી વસુધાની આસપાસ ફરે છે, જેને દર્શકોનો ભરપૂર પ્રેમ મળી રહ્યો છે.
તુમ સે તુમ તક
ઝી ટીવી પર આવતો શો તુમ સે તુમ તક પણ TRP યાદીમાં પોતાની મજબૂત પકડ જાળવી રાખવામાં સફળ રહ્યો છે. આ શો 22મા અઠવાડિયે પણ ત્રીજા નંબર પર યથાવત છે. આ શોમાં નિહારિકા ચૌકસે અને શરદ કેલકર જેવા એક્ટર્સ જોવા મળી રહ્યા છે. આ અઠવાડિયે શોને 1.8 રેટિંગ મળી છે. શોમાં અનુ અને આર્યવર્ધનની સ્ટોરીને દર્શકો ખૂબ પસંદ કરી રહ્યા છે.
અનુપમા
રૂપાલી ગાંગુલીનો પોપ્યુલર શો 'અનુપમા' આ અઠવાડિયે 1.5 ની રેટિંગ સાથે TRP યાદીમાં ચોથા નંબર પર યથાવત છે. લાંબા સમય સુધી દર્શકોનો ફેવરિટ રહેલો આ શો હવે TRPમાં સતત ઘટાડો નોંધાવી રહ્યો છે. સ્ટોરીમાં આવી રહેલા ફેરફાર અને નવો ટ્રેક દર્શકોને પહેલાની જેમ જકડી રાખવામાં અસમર્થ સાબિત થઈ રહ્યા છે, જેની અસર આની રેટિંગ પર સાફ જોવા મળી રહી છે.
ક્યોંકિ સાસ ભી કભી બહૂ થી 2
સ્મૃતિ ઈરાની અને અમર ઉપાધ્યાય સ્ટારર 'ક્યોંકિ સાસ ભી કભી બહૂ થી 2' આ અઠવાડિયે TRP યાદીમાં પાંચમા નંબર પર છે. શોને 1.5 ની રેટિંગ મળી છે. નવાઈની વાત એ છે કે 'તારક મહેતા કા ઉલ્ટા ચશ્મા' અને 'યે રિશ્તા ક્યા કહેલાતા હૈ' જેવા પોપ્યુલર શોઝ TRP યાદીના ટોપ 5 માંથી બહાર થઈ ગયા છે. આ અઠવાડિયે 'તારક મહેતા કા ઉલ્ટા ચશ્મા' ને 1.4 અને 'યે રિશ્તા ક્યા કહેલાતા હૈ' ને 1.3 રેટિંગ મળી છે.
આ પણ વાંચો-Rekha : ફિલ્મોમાં કામ કરવા નહોતી માગતી રેખા, આ મોટી મજબૂરીના કારણે લીધો હતો એક્ટ્રેસ બનવાનો નિર્ણય!
