રિયાલિટી શો ધ 50 આ દિવસોમાં ચર્ચાનો વિષય બન્યો છે. શોમાં વારંવાર કોઈને કોઈ વિવાદ સર્જાતો રહે છે. આ વખતે શોના એક કન્ટેસ્ટન્ટને લઈને દર્શકોએ કંઈક એવું નોંધ્યું કે જેને કારણે હંગામો મચી ગયો. આ કન્ટેસ્ટન્ટ બીજો કોઈ નહીં પરંતુ કરણ પટેલ છે.
ચર્ચિત શો ધ 50
ધ 50માં કરણ પટેલ સાથે દિવ્યા અગ્રવાલ, મિસ્ટર ફૈજુ, મોનાલિસા, શિવ ઠાકરે, નીલમ ગિરી, ચાહત પાંડે, દિગ્વિજય રાઠી, લક્ષ્ય કૌશિક, રજત દલાલ, દુષ્યંત કુકરેજા, રૂદ્ર રાણા, અર્ચના ગૌતમ, બસીર અલી, પ્રિન્સ નરૂલા, વિક્રાંત સિંહ, શાઇની દોશી, મૃદુલ તિવારી, અવિનાશ મિશ્રા, હર્ષ અરોડા, રિદ્ધિ ડોગરા, નિક્કી તંબોલી, શ્રુતિકાં અર્જુન અને લવકેશ કટારિયા જેવા સેલેબ્સ કન્ટેસ્ટન્ટ તરીકે જોવા મળી રહ્યા છે.
કરણ પટેલના હાથના ટેટૂને લઈને ટ્રોલિંગ
બાકીના સેલેબ્સ વચ્ચે પણ દર્શકોની નજર ખાસ કરીને કરણ પટેલ પર જ રહી છે. થોડા સમય પહેલાં દર્શકોએ તેના હાથ પર બનાવેલા ટેટૂ પર ધ્યાન આપ્યું. ટેટૂ જોઈને ઘણા લોકો આશ્ચર્યચકિત થઈ ગયા અને ત્યારબાદ સોશિયલ મીડિયા પર તેને ટ્રોલ કરવાનું શરૂ થઈ ગયું. સોશિયલ મીડિયા યુઝર્સનો દાવો છે કે કરણને હાથ પર અલ્લાહનું ટેટૂ બનાવડાવવું ન જોઈએ હતું. કેટલાક લોકોનું કહેવું છે કે ઇસ્લામમાં આ પ્રકારનું ટેટૂ બનાવડાવવું હરામ ગણાય છે અને તેને આવા ટેટૂની જરૂર પણ નહોતી.
શું કરણે ધ 50 છોડી દીધો?
લોકોના પ્રતિક્રિયાઓ જોઈને એવું લાગી રહ્યું છે કે કરણ પટેલની આ હરકત ઘણા લોકોને પસંદ આવી નથી. થોડા સમય પહેલાં એવી ખબર પણ આવી હતી કે કરણ પટેલે ધ 50 શો છોડી દીધો છે, જેને સાંભળીને તેમના ફેન્સ આશ્ચર્યમાં મુકાઈ ગયા હતા. હવે દાવો કરવામાં આવી રહ્યો છે કે કરણ ફરી એકવાર શોમાં વાપસી કરવાની તૈયારી કરી રહ્યા છે.
આ પણ વાંચો- Box Office Hit : શાહિદ કપૂરની ઓ રોમિયોની બોક્સ ઓફિસ પર મોજ, તુ યા મેં ફિલ્મનો પણ જોવા મળ્યો જાદુ!
