ઇન્ડિયાઝ ગોટ લેટેન્ટમાં કન્ટેસ્ટન્ટ તરીકે આવેલી શેરોન વર્મા હવે સીઝન 2માં જજ તરીકે જોવા મળી છે. તેના તીખા જવાબો સોશિયલ મીડિયા પર ચર્ચામાં છે. જાણીએ બિહારની આ સ્ટેન્ડ-અપ કોમેડિયન વિશે, જેણે કન્ટેસ્ટન્ટથી જજ સુધીની સફર કરી છે.
પટનાથી દિલ્હીની સફર
પટનામાં જન્મેલી અને મોટી થયેલી શેરોન 16-17 વર્ષની ઉંમરે 11મા ધોરણના અભ્યાસ માટે દિલ્હી શિફ્ટ થઈ ગઈ હતી. નવા શહેરમાં ભાષા અને બિહારી એક્સેન્ટ તેના માટે મોટો પડકાર હતો. વાતચીતના અંતે વારંવાર ઠીક છે કહેવાની તેની આદતની લોકો મજાક ઉડાવતા. દિલ્હીમાં પોતાને ઢાળવાનો પ્રયાસ કર્યો, પરંતુ પોતાની ઓળખ અને બિહારી મૂળ હંમેશાં તેની સાથે રહ્યા. બાદમાં તેણે આ જ અનુભવને પોતાની કોમેડીનો મહત્વનો હિસ્સો બનાવી લીધો.
પહેલો ઓપન માઈક રહ્યો ફ્લોપ
કોલેજમાં બાળકોને થિયેટર શીખવતી શેરોને 2019માં પહેલો ઓપન માઈક કર્યો હતો. 5 મિનિટના આ સેટમાં માત્ર 2 લોકો હસ્યા, પરંતુ સ્ટેજનો આ અનુભવ તેના માટે ખાસ હતો. ત્યારબાદ કોવિડ અને પોતાના સ્વભાવને કારણે તેઓ 4 વર્ષ સુધી સ્ટેજથી દૂર રહ્યા. મુંબઈના એક ઓપન માઈક બાદ એક વ્યક્તિએ ઈન્સ્ટાગ્રામ પર તેને અપશબ્દો કહ્યા હતા, જેના કારણે તે ખૂબ દુઃખી થઈ ગઈ હતી. તેની માતાએ હિંમત આપતાં ફરી સ્ટેજ પર પાછા ફરવા માટે પ્રોત્સાહિત કરી હતી.
https://www.instagram.com/p/DcszsGampC6/?utm_source=ig_web_copy_link&igsi=NTc4MTIwNjQ2YQ==
નામને લઈને શેરોનનો મજેદાર જોક
શેરોન વર્માની કોમેડીની ખાસિયત તેમનો દેશી અને ઓબ્ઝર્વેશનલ હ્યુમર છે. પોતાના નામને લઈને તેમનો એક જોક સોશિયલ મીડિયા પર ખૂબ વાયરલ થયો હતો. તેણે કહ્યું હતું કે આખા બિહારમાં તેનું નામ માત્ર 3 લોકો જ સાચું બોલી શકે છે, એક પોતે અને બીજા તેમના મમ્મી-પપ્પા. બાકીના લોકો તેને અલગ-અલગ નામથી બોલાવે છે.
વીક ઈન્ડિપેન્ડન્ટ વુમનથી ચર્ચામાં
ઇન્ડિયાઝ ગોટ લેટેન્ટની પહેલી સીઝનમાં શેરોને ફોર્મમાં પોતાને વીક ઈન્ડિપેન્ડન્ટ વુમન લખ્યું હતું. સમય રૈનાએ કારણ પૂછ્યું ત્યારે તેણે કહ્યું હતું કે તેની પાસે પૈતૃક સંપત્તિ નહોતી, તેથી મજબૂરીમાં ઈન્ડિપેન્ડન્ટ બનવું પડ્યું. હવે તેઓ એવી સ્થિતિમાં છે કે કોઈના પર ડિપેન્ડન્ટ પણ થઈ શકે છે. તેની આ હાજરજવાબીથી સમય રૈના પણ પ્રભાવિત થયા હતા.
https://www.instagram.com/reel/DAGRF61KDmu/?utm_source=ig_web_copy_link&igsi=MzRlODBiNWFlZA==
કોર્પોરેટ નોકરીથી કોમેડી સુધી
સ્ટેન્ડ-અપ કોમેડીમાં આવતાં પહેલાં શેરોનનો કોર્પોરેટ કરિયર હતો. તેણે Disney+ Hotstar અને The Rabbit Holeમાં સિનિયર ક્રિએટિવ એક્ઝિક્યુટિવ તરીકે કામ કર્યું છે. આ ઉપરાંત HashTag Orange અને મેન્સ ગ્રૂમિંગ બ્રાન્ડ Ustraa સાથે સિનિયર કોપીરાઈટર તરીકે પણ કામ કર્યું છે. કોર્પોરેટ વર્ક કલ્ચર અને રાઈટિંગના અનુભવથી તેની કોમેડીને અલગ ઓળખ મળી.
સોશિયલ મીડિયા પર લોકપ્રિયતા
ઇન્ડિયાઝ ગોટ લેટેન્ટની ક્લિપ્સ વાયરલ થયા બાદ શેરોનના સોશિયલ મીડિયા ફોલોઅર્સ ઝડપથી વધ્યા. આજે ઈન્સ્ટાગ્રામ પર તેના 19 લાખથી વધુ ફોલોઅર્સ છે. તેના Sensitivity અને Pressure જેવા સ્ટેન્ડ-અપ વીડિયોને લાખો વ્યૂઝ મળ્યા છે. ડેટિંગ, કોર્પોરેટ લાઈફ અને બિહારથી મેટ્રો સિટી સુધીની સફર જેવા વિષયો પર તેની કોમેડી યુવાનો સાથે સીધી કનેક્ટ થાય છે.
https://www.instagram.com/reel/DVyBXelCHWS/?utm_source=ig_web_copy_link&igsi=MzRlODBiNWFlZA==
ફ્રી પેલેસ્ટાઈન જોકથી વિવાદ
શેરોન પોતાના કોમેડી કરિયરમાં વિવાદોમાં પણ રહી ચૂકી છે. એક લાઈવ સ્ટેન્ડ-અપ શોની ક્લિપમાં તેણે ફ્રી પેલેસ્ટાઈન અને ઓનલાઈન એક્ટિવિઝમને લઈને કોમેન્ટ કરી હતી. આ ક્લિપ વાયરલ થયા બાદ સોશિયલ મીડિયા યુઝર્સે તેની ટીકા કરી હતી અને ગંભીર માનવીય દુર્ઘટનાની મજાક કરવાનો આરોપ લગાવ્યો હતો. જોકે ટ્રોલિંગ વચ્ચે પણ શેરોને પોતાના કામ પર ધ્યાન જાળવી રાખ્યું.
https://www.instagram.com/reel/Dcl57YdykCe/?utm_source=ig_web_copy_link&igsi=MzRlODBiNWFlZA==
કન્ટેસ્ટન્ટથી જજ સુધીની સફર
ઇન્ડિયાઝ ગોટ લેટેન્ટ 2માં જજ તરીકે શેરોનની એન્ટ્રી તેમની વધતી લોકપ્રિયતાનો પુરાવો છે. શોમાં સમય રૈનાએ તેના બિહારી બેકગ્રાઉન્ડ પર મજાક કરી ત્યારે શેરોને પણ તીખા જવાબથી પલટવાર કર્યો. તેના સચોટ જવાબે સમયને પણ નિરુત્તર કરી દીધા. એક સામાન્ય કન્ટેસ્ટન્ટથી લોકપ્રિય કોમેડી શોની જજ બનવા સુધીની શેરોનની સફર બતાવે છે કે પોતાની ઓળખને આત્મવિશ્વાસ સાથે રજૂ કરવાની કળા હોય તો કોઈપણ સ્ટેજ પર પોતાની જગ્યા બનાવી શકાય છે.
આ પણ વાંચો-Future : સપ્ટેમ્બર 2026માં સાચી પડશે બાબા વેંગાની આ ડરામણી ભવિષ્યવાણી! સાંભળીને જ રૂંવાડા ઊભા થઈ જશે!
