નાના પડદાની જાણીતી એક્ટ્રેસ જેનિફર વિંગેટે પોતાની પર્સનલ લાઇફમાં આગળ વધવાનો નિર્ણય લીધો છે. 41 વર્ષની ઉંમરે અભિનેત્રી ફરીથી લગ્ન કરવાની છે. મીડિયા રિપોર્ટ્સ અનુસાર, એક્ટ્રેસે સિંગાપોરના બિઝનેસમેન ઇસ્માઇલ વિલિયમ સાથે સગાઈ કરી લીધી છે અને હવે એવું કહેવામાં આવી રહ્યું છે કે ટૂંક સમયમાં તેઓ લગ્ન પણ કરવાના છે.
2012માં થયા હતા કરણ-જેનિફરના લગ્ન
કરણ સિંહ ગ્રોવર અને જેનિફર વચ્ચે પ્રેમ દિલ મિલ ગયેના સેટ પર પાંગર્યો હતો. તે સમયે કરણ પરિણીત હતો. તેના પહેલા લગ્ન શ્રદ્ધા નિગમ સાથે વર્ષ 2008માં થયા હતા. પરંતુ, વર્ષ 2009માં જ તેમના છૂટાછેડા થઈ ગયા હતા. આ પછી કરણની લાઈફમાં જેનિફરની એન્ટ્રી થઈ. એકબીજાને ડેટ કર્યા પછી બંનેએ વર્ષ 2012માં લગ્ન કરી લીધા હતા.
2014માં લઈ લીધા છૂટાછેડા
કરણ સિંહ ગ્રોવર અને જેનિફર વિંગેટ એક સમયે ટીવી ઇન્ડસ્ટ્રીના ક્યૂટ અને ફેમસ કપલ્સમાં ગણાતા હતા, જો કે બંનેના લગ્ન લાંબા ચાલી શક્યા નહીં. 2012માં થયેલા લગ્ન વર્ષ 2014માં જ ખતમ થઈ ગયા હતા. છૂટાછેડા પછી બંનેના સંબંધોને લઈને ઘણી બધી વાતો થઈ હતી. આ દરમિયાન કરણે સોશિયલ મીડિયા પર જેનિફર સાથે પોતાનો સંબંધ તૂટવા અંગે મોટી વાત કહી હતી.
કેમ થયા હતા જેનિફર-કરણના છૂટાછેડા?
કરણે તે સમયે એક્સ (X) પર ઘણી પોસ્ટ કરી હતી. તેણે એક ટ્વીટમાં લખ્યું હતું, જે પણ લોકો આનાથી સંબંધ ધરાવે છે, તમે સાંભળ્યું જ હશે કે જેનિફર અને હું હવે સાથે નથી. આ વાત સાચી છે. આ નિર્ણય અમે બંનેએ સાથે મળીને લીધો છે. એટલે કે તેમના છૂટાછેડા પરસ્પર સંમતિથી થયા હતા. એક અન્ય ટ્વીટમાં તેણે લખ્યું હતું, અમારા સંબંધ તૂટવાનું કારણ ખૂબ જ પર્સનલ છે. મને નથી લાગતું કે અમે તે કારણ તમારી સાથે શેર કરવા માગીએ છીએ. બે લોકો વચ્ચે શું થયું, તે માત્ર તે બે લોકો જ સમજી શકે છે. બાકીની બધી વાતો અફવા... આશંકા અને અંદાજ છે. તમારા બધાના પ્રેમ માટે ધન્યવાદ.
કરણે બિપાશા બાસુ સાથે કર્યા હતા ત્રીજા લગ્ન
કરણથી છૂટાછેડા લીધા પછી હવે આશરે 12 વર્ષ બાદ જેનિફર વિંગેટ ફરીથી લગ્ન કરવા જઈ રહી છે. જ્યારે કરણે જેનિફરથી છૂટાછેડા લીધા પછી ત્રીજા લગ્ન બિપાશા બાસુ સાથે કર્યા હતા. કરણ અને બિપાશા વર્ષ 2016માં લગ્નના બંધનમાં બંધાયા હતા.
આ પણ વાંચો-Flop movie : 900 કરોડની બ્લોકબસ્ટર ફિલ્મનો વિલન, આજે 1 કરોડની કમાણી માટે પણ ફાંફા મારી રહ્યો છે!
