પરેશ રાવલ 'હેરા ફેરી 3'માંથી બહાર થયો કે તરત જ આ મામલે ચર્ચાઓ શરૂ થઈ. અક્ષય કુમારની કંપનીએ નુકસાન માટે 25 કરોડ રૂપિયાના વળતરની માગણી કરતી કાનૂની નોટિસ પણ મોકલી હતી. બધે ચર્ચાઓ થવા લાગી કે એવું શું થયું કે પરેશ રાવલે આ ફિલ્મ છોડી દેવાનો નિર્ણય લીધો. હવે આ પ્રશ્નનો જવાબ પોતે પરેશ રાવલે આપ્યો છે.
પરેશ રાવલના વકીલ અમિત નાઈકની કંપની નાઈક એન્ડ નાઈકે આ સમગ્ર મામલે વાત કરી છે. તેમણે સ્પષ્ટપણે કહ્યું છે કે પરેશ રાવલને ન તો સ્ક્રિપ્ટ મળી અને ન તો તેમને સ્ટોરી વિશે કંઈ કહેવામાં આવ્યું. પ્રોમોમાં એવું કહેવામાં આવ્યું હતું કે તેમને IPLમાં બતાવવો પડશે.
પરેશ રાવલે સાઇનિંગ રકમ આપી દીધી
નાઈક એન્ડ નાઈક કંપની તરફથી, એવું કહેવામાં આવ્યું હતું કે, "નોટિસ મળતા પહેલા જ પરેશ રાવલે 11 લાખ રૂપિયા પાછા આપી દીધા હતા. અને નિર્માતાઓએ પૈસા પાછા લઈ લીધા હતા. આનો સીધો મતલબ એ છે કે પરેશ રાવલનું ટર્મિનેશન સ્વીકારવામાં આવ્યું હતું."
ત્યારપછી કંપનીએ ઘણા પાસાઓ વિશે જણાવ્યું, જેના લીધે પરેશ રાવલે ફિલ્મ છોડવાનો નિર્ણય લીધો. તેમાંથી એક કારણ એ પણ હતું કે ફિલ્મની ફ્રેન્ચાઈજીના ટાઈટલ હજું પણ શંકામાં છે, કારણ કે આ ફ્રેન્ચાઈજીના મેન માલિક ફિરોઝ નડિયાદવાલાએ પરેશ રાવલને 29 માર્ચએ કાનૂની નોટિસ મોકલી હતી.
IPL ના નામે પ્રોમો શૂટ
પરેશ રાવલ ફિલ્મ છોડવાનું મુખ્ય કારણ સ્ટોરી, સ્ક્રિપ્ટ અને લાંબા ફોર્મ એગ્રીમેન્ટનું હતું. જે તૈયાર કરવામાં આવ્યો ન હતો અને પરેશ રાવલને આપવામાં આવ્યો ન હતો, જે જરૂરી છે. શૂટિંગ 2026 માં જ શરૂ થવાનું હતું. સ્ટોરીના અભાવે, પ્રોમો ઉતાવળમાં શૂટ કરવામાં આવ્યો હતો અને કહેવામાં આવ્યું હતું કે તેને IPL માં બતાવવો પડશે. વકીલના મતે, અક્ષય કુમારની આગામી ફિલ્મ 'ભૂત બાંગ્લા'ના સેટ પર કેટલાક ફેરફારો કરવામાં આવ્યા હતા અને પ્રોમો ત્યાં જ શૂટ કરવામાં આવ્યો હતો.
એવું પણ કહેવામાં આવ્યું હતું કે પરેશ રાવલે આ ફિલ્મની સ્ટોરી, સ્ક્રિપ્ટ અને એગ્રીમેન્ટ આપવામાં આવશે તેવી ખાતરી સાથે સાઇન કરી હતી, પરંતુ તેમને કંઈ આપવામાં આવ્યું નથી. તેમણે યોગ્ય કારણોસર ટર્મ શીટ પતાવીને ફિલ્મ છોડી દીધી. સ્ટોરી જેવી મુખ્ય વસ્તુ પણ તૈયાર ન હતી, તેથી કોઈપણ પ્રકારના નુકસાનનો દાવો કરવાનો પ્રશ્ન જ ઉભો થતો નથી.
