- ગ્રાન્ડ લગ્નની તૈયારીઓમાં સુરક્ષાનું રખાયું છે ખાસ ધ્યાન
- દિલ્હી કોલકત્તાના સ્પેશિયલ ફૂલથી સજાવાયો છે ધ લીલા પેલેસનો ગેટ
- 4 વાગે કપલ લેશે લગ્નના સાત ફેરા
લગભગ સાડા ચાર મહિનાની સગાઈ બાદ બોલિવૂડ અભિનેત્રી પરિણીતી ચોપરા અને આમ આદમી પાર્ટીના સાંસદ રાઘવ ચઢ્ઢા આજે એટલે કે 24 સપ્ટેમ્બરે લગ્ન કરવા જઈ રહ્યા છે. બસ, હજુ થોડા કલાકો પછી બંને કાયમ માટે સાથે રહેશે.
રાઘવ ચઢ્ઢા સફેદ શેરવાનીમાં વરરાજા બન્યા
રાઘવ ચઢ્ઢા પરિણીતીને પોતાની દુલ્હન બનાવવા માટે તૈયાર છે. રાઘવે વ્હાઇટ કલરની શેરવાની પહેરી છે. લગ્ન પહેલા વરરાજાની પહેલી ઝલક સામે આવી છે. જો કે તેના લુકને છુપાવવાનો પ્રયાસ કરવામાં આવ્યો છે, પરંતુ તે સ્પષ્ટ થઈ ગયું છે કે રાઘવે લગ્નમાં સફેદ શેરવાની પહેરી છે.
લગ્નની સજાવટ ખાસ છે
પરિણીતી અને રાઘવ ચઢ્ઢાના ભવ્ય લગ્નને યાદગાર બનાવવા માટે દરેક બાબતનું ખાસ ધ્યાન રાખવામાં આવી રહ્યું છે. હોટેલ ધ લીલા પેલેસના દરવાજાને દિલ્હી અને કોલકાતાથી લાવવામાં આવેલા ખાસ ફૂલોથી શણગારવામાં આવ્યા છે.
બોટ દ્વારા લગ્ન સ્થળે પહોંચશે સેલેબ્સ
ખાસ બોટમાં તમામ મહેમાનોને લગ્ન સ્થળે લઈ જવામાં આવી રહ્યા છે. રાઘવ ચઢ્ઢા હોટેલ તાજ પેલેસથી તેની દુલ્હન પરિણીતીના લગ્નની જાન સાથે લીલા પેલેસ જશે. તેઓ બોટ દ્વારા તેમના લગ્નની જાન કાઢશે. તે પોતાની દુલ્હનને જે બોટમાં લઈ જશે તેની તસવીર સામે આવી છે.
આવો છે આખા દિવસનો કાર્યક્રમ
- જયમાલાનો કાર્યક્રમ બપોરે 3:30 વાગ્યે છે
- રાઘવ અને પરિણીતી 4 વાગે ફેરા લેશે
- સાંજે 6 કલાકે વિદાય સમારંભ થશે
- 8 વાગ્યે મહેમાનો માટે રિસેપ્શન યોજાશે
