- કન્નડ ફિલ્મના પ્રખ્યાત નિર્માતા સૌંદર્ય જગદીશનું નિધન
- સૌંદર્યાના નિધનથી સમગ્ર ઈન્ડસ્ટ્રીમાં શોકની લહેર
- સૌંદર્યાનું મૃત્યું આત્મહત્યા કે હાર્ટ એટેક તે સ્પષ્ટ નથી થયું
ફિલ્મ ઈન્ડસ્ટ્રીમાંથી એક પછી એક ખરાબ સમાચાર આવી રહ્યા છે. આજે વહેલી સવારે બોલિવૂડ સુપરસ્ટાર સલમાન ખાનના ઘરે ફાયરિંગના સમાચાર સામે આવ્યા હતા હજુ આ મામલો થાળે પડ્યો ન હતો ત્યારે ફિલ્મ ઈન્ડસ્ટ્રીમાંથી ફરી એક દુઃખદ સમાચાર સામે આવ્યા છે. કન્નડ ફિલ્મના પ્રખ્યાત નિર્માતા સૌંદર્ય જગદીશનું નિધન થયું છે. સૌંદર્યાના નિધનથી સમગ્ર ઈન્ડસ્ટ્રીમાં શોકની લહેર છે અને દરેક તેના માટે પ્રાર્થના કરી રહ્યા છે.
સૌંદર્યા જગદીશનું નિધન
જો અહેવાલો પર વિશ્વાસ કરવામાં આવે તો એવું કહેવામાં આવી રહ્યું છે કે સૌંદર્યા જગદીશે તેમના જ ઘરમાં આત્મહત્યા કરી છે પરંતુ તેમના પરિવારે આ અહેવાલોને નકારી કાઢ્યા છે. જો સૌંદર્યા જગદીશના પરિવારની વાત માનીએ તો તેઓ કહે છે કે સૌંદર્યાનું મૃત્યુ હાર્ટ એટેકના કારણે થયું હતું. જો કે, સૌંદર્યાએ આત્મહત્યા કરી છે કે નહીં તેની હજુ સુધી પુષ્ટિ થઈ નથી.
અપ્પુ પપ્પુ અને સ્નેહિતરુ ફિલ્મોમાં કામ કર્યું
તમને જણાવી દઈએ કે સૌંદર્યા જગદીશે ફિલ્મ ઈન્ડસ્ટ્રીમાં ઘણું મહત્વનું યોગદાન આપ્યું છે. તેમણે અપ્પુ પપ્પુ અને સ્નેહિતરુ જેવી ઉત્તમ ફિલ્મો આપી છે. હંમેશા પોતાના કામ માટે જાણીતા જગદીશે પોતાની કારકિર્દીમાં ઉત્તમ કામ કર્યું છે. તે જ સમયે, જો આપણે તેમના નિધન વિશે વાત કરીએ તો અહેવાલ અનુસાર, તેમનો પરિવાર આત્મહત્યાના દાવાને નકારી રહ્યો છે.
ફેન્સે શ્રદ્ધાંજલિ આપી
સૌન્દર્યા જગદીશના નિધન પર સોશિયલ મીડિયા પર દરેક લોકો શોક વ્યક્ત કરી રહ્યા છે. યુઝર્સ સૌંદર્યાને શ્રદ્ધાંજલિ પણ આપી રહ્યા છે. એક યુઝરે પોસ્ટ કરીને લખ્યું કે તે વિશ્વાસ નથી કરી શકતો રેસ્ટ ઇન પીસ #સૌંદર્યજગદીશ સર. અન્ય એક યુઝરે લખ્યું કે આ ખૂબ જ ચોંકાવનારું છે. ત્રીજા યુઝરે લખ્યું કે અચાનક શું થયું. આવી કોમેન્ટ કરીને યુઝર્સ સૌંદર્યાના નિધન પર શોક વ્યક્ત કરી રહ્યા છે.
