- ઈન્સ્ટાગ્રામ સ્ટાર રાઉડી ભાટી તેના બે મિત્રો સાથે સ્વિફ્ટ કારમાં મુસાફરી કરી રહ્યા હતા
- કાર ખુબજ સ્પીડમાં હોવાથી બેકાબૂ થઈ ગઈ
- આ અકસ્માત બાદ ગુર્જર સમાજના યુવાનોમાં શોકનું મોજુ ફરી વળ્યું
ઇન્સ્ટાગ્રામ સ્ટાર રાઉડી ભારતી ઉર્ફે રોહિત ભાટી (25) નું સોમવારે રાત્રે ગ્રેટર નોઇડામાં કાર ઝાડ સાથે અથડાતા મૃત્યુ થયું હતું. આ અકસ્માતમાં ભાટીના બે મિત્રો પણ ગંભીર રીતે ઘાયલ થયા હતા. બંને ઘાયલોની ગ્રેટર નોઈડા અને અન્ય દિલ્હીની હોસ્પિટલમાં સારવાર ચાલી રહી છે.
મામલો ગત રાત્રે 3 વાગ્યાનો છે. ઈન્સ્ટાગ્રામ સ્ટાર રાઉડી ભાટી તેના બે મિત્રો સાથે સ્વિફ્ટ કારમાં મુસાફરી કરી રહ્યા હતા. કાર ખુબજ સ્પીડમાં હોવાથી બેકાબૂ થઈ ગઈ અને ચુહરપુર અંડરપાસ પાસે ઝાડ સાથે અથડાઈ.
માહિતી મળતાની સાથે જ પોલીસ ઘટનાસ્થળે પહોંચી ગઈ હતી અને ગંભીર રીતે ઘવાયેલા ત્રણેયને તાત્કાલિક જીમ્સ હોસ્પિટલમાં દાખલ કર્યા હતા. જ્યાં રાઉડી ભાટીનું સારવાર દરમિયાન મોત થયું હતું. રાઉડીના બે મિત્રો મનોજ અને આતિશ પણ કારમાં હતા, જેમની હાલત હાલમાં નાજુક છે.
ગ્રેટર નોઈડા પોલીસ સ્ટેશન બીટા-2ના એસએચઓ અનિલ રાજપૂતે જણાવ્યું કે ત્રણેય ઘાયલોને નજીકની જીમ્સ હોસ્પિટલમાં દાખલ કરવામાં આવ્યા છે. જ્યાં સારવાર દરમિયાન રાઉડીનું મોત થયું હતું. બાકીના બે યુવકોની હાલત હાલ નાજુક છે.
જણાવી દઈએ કે બુલંદશહરના રહેવાસી રાઉડી ભાટીના ઈન્સ્ટાગ્રામ પર ઘણા બધા ફોલોઅર્સ હતા અને તે પોતાના ડાયલોગ્સ માટે પણ ખૂબ ફેમસ હતા. આ અકસ્માત બાદ ગુર્જર સમાજના યુવાનોમાં શોકનું મોજુ ફરી વળ્યું છે. ભાટીના મૃત્યુના સમાચાર ફેલાતા તરત જ, તેમના ઘણા પ્રશંસકોએ અંતિમ સંસ્કારની રીલ અને વીડિયો પોસ્ટ કર્યા અને તેમને શ્રદ્ધાંજલિ આપી. રાઉડી ભાટીના ઇન્સ્ટાગ્રામ પ્લેટફોર્મ પર 911 હજાર ફોલોઅર્સ છે.
