150 રૂમનો મહેલ, 2 લગ્ન, 4 બાળકો, સૈફ અલી ખાનનું નવાબી જીવન

સૈફ અલી ખાન હાલમાં ચર્ચામાં છે. સૈફ પર મધ્યરાત્રિએ તેના ઘરે એક અજાણ્યા વ્યક્તિએ હુમલો કર્યો હતો. આ હુમલામાં એક્ટર ઘાયલ થયો છે અને તેને લીલાવતી હોસ્પિટલમાં દાખલ કરવામાં આવ્યો છે. રાહતની વાત છે કે સૈફ હવે ખતરાની બહાર છે.

આ કેસમાં, પોલીસનું કહેવું છે કે તેમને એક્ટરના ઘરમાં કામ કરતા લોકોના મોબાઈલ ફોન જપ્ત કર્યા છે અને આ મામલાની તપાસ કરવામાં આવી રહી છે. તમને સૈફ અલી ખાન વિશે કેટલીક પર્સનલ વાતો જણાવવા જઈ રહ્યા છીએ.

નવાબ પરિવાર સાથે સંબંધ રાખનારા સૈફ અલી ખાનનો પારિવારિક બેકગ્રાઉન્ડ ખૂબ જ મજબૂત છે. તેને 1993માં આવેલી ફિલ્મ 'પરંપરા' દ્વારા બોલીવુડમાં પોતાના કરિયરની શરૂઆત કરી હતી. 31 વર્ષના પોતાના કરિયરમાં સૈફે ઘણી ઉત્તમ ફિલ્મોમાં પોતાનું ટેલેન્ટ બતાવ્યું છે.

અમૃતા સાથે પ્રેમ થયો

સૈફની પર્સનલ લાઈફની વાત કરીએ તો, તેને બે લગ્ન કર્યા છે. સૈફની પહેલી પત્ની અમૃતા સિંહ હતી, જેની સાથે તેના છૂટાછેડા થઈ ગયા છે. સૈફ અને અમૃતાની પહેલી મુલાકાત ફિલ્મ 'યે દિલ્લગી'ના સેટ પર થઈ હતી. બંને પહેલી વાર એક ફોટોશૂટ દ્વારા મળ્યા હતા. તે સમયે સૈફ અલી ખાન સંપૂર્ણપણે ઈન્ડસ્ટ્રીમાં ન્યૂકમર હતો, પરંતુ અમૃતા સિંહને કોઈ પરિચયની જરૂર ન હતી. સૈફને પહેલી નજરે જ અમૃતા ગમવા લાગી, પણ અમૃતાને તે સ્વીકારવામાં થોડો સમય લાગ્યો. બાદમાં બંને એકબીજાને પસંદ કરવા લાગ્યા. લગભગ ત્રણ મહિના ડેટિંગ કર્યા પછી બંનેએ લગ્ન કરવાનો નિર્ણય લીધો. સૈફ અને અમૃતાએ ધર્મ, જાતિ અને ઉંમરની પરવા કર્યા વિના, તેમના પરિવારો સાથે ગુપ્ત રીતે લગ્ન કર્યા. સૈફ અને અમૃતાને બે બાળકો છે, સારા અલી ખાન અને ઈબ્રાહિમ અલી ખાન. પરંતુ 13 વર્ષના લગ્નજીવન પછી સૈફ અને અમૃતાના છૂટાછેડા થઈ ગયા.

સૈફના બીજા લગ્ન

આ પછી, સૈફ અલી ખાનને કરીના કપૂર સાથે પ્રેમ થઈ ગયો. સૈફ અને કરીના પહેલી વાર ફિલ્મ 'ટશન'ના સેટ પર મળ્યા હતા. અહીંથી જ તેમની પ્રેમકથા શરૂ થઈ. બંનેએ લગભગ પાંચ વર્ષ સુધી એકબીજાને ડેટ કર્યા અને પછી લગ્ન કરવાનો નિર્ણય લીધો. વર્ષ 2012 માં, સૈફ અલી ખાન અને કરીના પરિવારની હાજરીમાં હંમેશા માટે એકબીજાના બની ગયા. સૈફ અને કરીના કપૂરને બે બાળકો છે, તૈમૂર અને જેહ. ચારેય ભાઈ-બહેનો એકબીજા સાથે ખૂબ જ સારા સંબંધો ધરાવે છે.

સૈફ અલી ખાનની કુલ સંપત્તિ

5 ફૂટ 8 ઈંચ ઉંચો સૈફ અલી ખાન સંપત્તિની બાબતમાં કોઈથી ઓછો નથી. મીડિયા રિપોર્ટ મુજબ સૈફની કુલ સંપત્તિ 1200 કરોડ રૂપિયા છે. તેઓ ગુરુગ્રામમાં સ્થિત તેમના પરિવારના પટૌડી પેલેસના માલિક પણ છે. સૈફના આ મહેલની કિંમત 800 કરોડ રૂપિયાથી વધુ છે અને તેમાં લગભગ 150 રૂમ છે. અહીં ઘણી ફિલ્મોનું શૂટિંગ પણ થયું છે. સૈફ અલી ખાન એક ફિલ્મ માટે લગભગ 10-12 કરોડ રૂપિયા ચાર્જ કરે છે.

સૈફના કાર કલેક્શનની વાત કરીએ તો, તેની પાસે ફોર્ડ મસ્ટાંગ GT 500, મર્સિડીઝ-બેન્ઝ S350, BMW 730LD, ઓડી R8 સ્પાઈડર, રેન્જ રોવર સ્પોર્ટ જેવી ઘણી લક્ઝરી કાર છે. આ સિવાય સૈફ કરીનાનું મુંબઈમાં પોતાનું એક આલીશાન ઘર પણ છે, જેની કિંમત લગભગ 55 કરોડ રૂપિયા છે.