તો શું હવે બનશે મુન્ના ભાઇ-3?સાથે જોવા મળ્યા સંજય દત્ત-અરસદ વારસી

• મુન્ના ભાઇ અને સર્કિટ ફરીથી સાથે જોવા મળશે
  
• સોશિયલ મીડિયા પર વાયરલ થઇ રહ્યો છે વીડિયો
• આ જોડીને સાથે જોઇ ફેન્સ કરી રહ્યા છે કોમેન્ટ

બોલિવૂડ અભિનેતા સંજય દત્ત અને અરશદ વારસીને એકસાથે જોવું એ ફેન્સ માટે કોઈ ખુશીથી ઓછું નથી. મુન્નાભાઈ એમબીબીએસ ફિલ્મથી આ જોડી લોકોની ફેવરિટ છે. મુન્નાભાઈ અને સર્કિટની કોમેડી જોઈને દર્શકો પોતાનું હસવાનું રોકી શકતા નથી. દિગ્દર્શક રાજકુમાર હિરાનીના નિર્દેશનમાં બનેલી આ ફિલ્મે લોકોના મન પર ઊંડી છાપ છોડી હતી. આ એક બ્લોકબસ્ટર કોમેડી-ડ્રામા ફિલ્મ હતી.

જે લોકો મુન્નાભાઈ અને સર્કિટને ફરી એકસાથે જોવા માંગતા હતા તેમના માટે એક સારા સમાચાર છે કારણ કે આ જોડી ફરી એકવાર રાજકુમાર હિરાણી સાથે કામ કરી રહી છે. ખરેખરમાં સોશિયલ મીડિયા પર એક વીડિયો વાયરલ થઈ રહ્યો છે. આ વીડિયોમાં સંજય દત્ત સંપૂર્ણપણે મુન્નાભાઈ ગેટઅપમાં જોવા મળી રહ્યા છે. સંજય દત્ત ડિરેક્ટર સાથે હોસ્પિટલના સેટ પર પ્રવેશે છે. ત્યારે અરશદ વારસી પાછળથી સર્કિટ લુકમાં આવે છે.

અરશદ અને સંજય એકબીજાને ગળે લગાવે છે અને કહે છે કે અમે પાછા આવી ગયા છીએ. રાજકુમાર હિરાણી તેમની મુલાકાતને જોઈને હસતા જોવા મળે છે. બેકગ્રાઉન્ડ જોતાં એવું લાગે છે કે કંઈકનું શૂટિંગ ચાલી રહ્યું છે. આ વીડિયો સામે આવ્યા બાદ ચાહકોની અપેક્ષાઓ વધી ગઈ છે. લોકો સતત કોમેન્ટ દ્વારા પૂછી રહ્યા છે કે શું મુન્નાભાઈ 3 બની રહી છે. માનવામાં આવે છે કે આ જોડી ફિલ્મના ત્રીજા ભાગ માટે સાથે આવી રહી છે.

તમને જણાવી દઈએ કે, મુન્નાભાઈ એમબીબીએસ વર્ષ 2003માં આવ્યા હતા. આ ફિલ્મમાં સંજયના પિતા સુનીલ દત્ત સાથે ગ્રેસી સિંહ, બોમન ઈરાની અને જીમી શેરગિલ પણ હતા. પ્રખ્યાત ફ્રેન્ચાઇઝ લગે રહો મુન્નાભાઇ 2006 માં વિદ્યા બાલન, બોમન ઇરાની, દિયા મિર્ઝા અને દિલીપ પ્રભાવલકર અભિનીત સિક્વલ સાથે પરત ફર્યા. હવે દર્શકો મુન્નાભાઈ 3ની આતુરતાથી રાહ જોઈ રહ્યા છે.