'મન્નત' માટે મહારાષ્ટ્ર સરકાર શાહરૂખ ખાનને આપશે 9 કરોડ રૂપિયા! જાણો કારણ

શાહરૂખ ખાન અને તેની પત્ની ગૌરી ખાન મુંબઈ બાંદ્રા પશ્ચિમમાં સ્થિત મન્નત બંગલાને કારણે વધુ ધનવાન બનવાના છે. આગામી દિવસોમાં શાહરૂખ ખાન અને ગૌરી ખાનને આ મન્નત ઘર માટે મહારાષ્ટ્ર સરકાર તરફથી લગભગ 9 કરોડ રૂપિયા મળી શકે છે.

બોલીવુડ એક્ટર શાહરૂખ ખાન એવા કલાકારોમાંના એક છે જે તેની શાનદાર એક્ટિંગની સાથે ગ્રાન્ડ લાઈફસ્ટાઈલ માટે પણ જાણીતો છે. શાહરૂખ ખાન મુંબઈમાં એક આલીશાન ઘર "મન્નત" માં રહે છે, જેને જોવા માટે ફેન્સ દૂર દૂરથી આવે છે. હાલમાં શાહરૂખ પોતાના ઘર મન્નતને લઈને ઘણી ચર્ચામાં રહ્યો છે.

મહારાષ્ટ્ર સરકાર શાહરૂખ ખાનની પત્ની ગૌરી ખાનની લગભગ 9 કરોડ રૂપિયા પરત કરવાની અરજીને મંજૂરી આપી શકે છે. આ અરજી ગૌરી ખાન દ્વારા મુંબઈ સબર્બન (MSD) સામે દાખલ કરવામાં આવી છે. જેમાં એવો દાવો કરવામાં આવ્યો છે કે MSDના કલેક્ટરને જે જમીન પર તેમનું ઘર મન્નત બનેલું છે તેના માટે વધારાના પૈસા આપવામાં આવ્યા છે.

'મન્નત' કોના નામે છે?

તમને જણાવી દઈએ કે શાહરૂખ ખાનનો મુંબઈના બાંદ્રા પશ્ચિમના બેન્ડસ્ટેન્ડમાં સ્થિત મન્નત બંગલો તેની પત્ની ગૌરી ખાનના નામે છે. આ બંગલો જે જમીન પર બનેલો છે તે મહારાષ્ટ્ર સરકારે તેના અગાઉના માલિકને ભાડે આપી હતી. મહારાષ્ટ્ર સરકાર દ્વારા મંજૂરી મળ્યા બાદ જમીન માલિકે શાહરૂખ ખાનને મિલકત વેચી દીધી.

ગૌરી ખાને દાખલ કરી છે અરજી

એક્ટર શાહરૂખ ખાને ખુલાસો કર્યો કે મુંબઈ સબર્બન ડિસ્ટ્રિક્ટ (MSD) કલેક્ટરને તેમના ઘર મન્નતની જમીન માટે વધારાની ચૂકવણી કરવામાં આવી હતી. ગૌરી ખાને તે જમીન માટે ચૂકવેલા વધારાના પૈસા પરત કરવાની માંગણી કરી છે.

શાહરૂખ ખાનની મન્નત ખરીદીમાં ભૂલ ક્યાં થઈ?

તમને જણાવી દઈએ કે માર્ચ 2019 માં ગૌરી અને શાહરૂખ ખાને રેડી રેકનર રેટ માટે 27.50 કરોડ રૂપિયા ચૂકવ્યા હતા, જે કુલ ખર્ચના 25% હતા. પાછળથી જાણવા મળ્યું કે રાજ્ય સરકાર દ્વારા રૂપાંતર શુલ્કની ગણતરીમાં અજાણતાં ભૂલ થઈ હતી. આ ખોટી ગણતરી જમીન પર આધારિત ન હતી, પરંતુ તેના પર સ્થિત બંગલાની કિંમત પર આધારિત હતી, જેના કારણે જરૂરી ફીનો વધુ પડતો અંદાજ લગાવવામાં આવ્યો હતો.

ગૌરી ખાન 'મન્નત' માટે કરેલા વધારાના પૈસા પાછા માંગે છે?

આ ખુલાસા પછી સપ્ટેમ્બર 2022 માં આ ભૂલ સુધારવા માટે, ગૌરી ખાને કલેક્ટર MSD ને ઔપચારિક રીતે પત્ર લખીને વધારાની ચુકવણી, જે રૂ. 9 કરોડ તરીકે ઓળખાઈ હતી, પરત કરવાની વિનંતી કરી.

9 કરોડ રૂપિયા આપશે મહારાષ્ટ્ર સરકાર?

મીડિયા રિપોર્ટ મુજબ કલેક્ટરે રિફંડ માટેની વિનંતી રાજ્ય સરકારને અંતિમ મંજૂરી માટે મોકલી છે. રાજ્યના અધિકારીઓએ ખાતરી આપી છે કે એકવાર ખાન પરિવારને વધુ પડતી રકમની ભરપાઈ મંજૂર થઈ જાય, પછી વધારાની ચુકવણી ખરેખર શાહરૂખ ખાનને પરત કરવામાં આવશે.