- સોનાક્ષી સિંહા લગ્ન બાદ ધર્મ બદલશે કે નહીં તે અંગે ઘણી અટકળો
- તેમના લગ્નમાં ન તો હિંદુ રીતિ-રિવાજ હશે કે ન તો મુસ્લિમ પરંપરાઓ: સોનાક્ષીના સસરા
- તે બિલકુલ પોતાનો ધર્મ બદલી રહી નથી અને તે ચોક્કસ છે: ઝહીર ઈકબાલના પિતા
બોલીવુડની રજ્જો એટલે કે સોનાક્ષી સિંહા પોતાના લાંબા સમયના બોયફ્રેન્ડ ઝહીર ઈકબાલ સાથે 23 જૂને લગ્નના બંધનમાં બંધાવા જઈ રહી છે. લગ્નની તમામ તૈયારીઓ થઈ ગઈ છે આ દરમિયાન સોનાક્ષીએ લગ્ન બાદ ધર્મ બદલવો પડશે એવી ચર્ચા ચોતરફ થઈ રહી છે. લગ્ન બાદ સોનાક્ષી પોતાનો ધર્મ બદલશે કે કેમ તે અંગે ઘણી અટકળો ચાલી રહી છે. દરમિયાન હવે આ મામલે સોનાક્ષીના સસરા એટલે કે ઝહીર ઈકબાલના પિતાનું નિવેદન આવ્યું છે.
સોનાક્ષી-ઝહીર સિવિલ મેરેજ કરશે
ઝહીર ઈકબાલના પિતાએ સોનાક્ષી સિંહા સાથેના પુત્રના લગ્ન વિશે કહ્યું હતું કે, 'તેમાં ન તો હિંદુ હશે કે ન તો મુસ્લિમ રિવાજો હશે. આ સિવિલ મેરેજ હશે.' એટલે કે તેમના લગ્નમાં ન તો હિંદુ રીતિ-રિવાજ હશે કે ન તો મુસ્લિમ પરંપરાઓ. એવા અહેવાલો છે કે બંને સિવિલ મેરેજ કરવાના છે. આ જ કારણ છે કે એવું માનવામાં આવે છે કે સોનાક્ષી પોતાનો ધર્મ બદલ્યા વિના લગ્ન કરશે.
પહેલા એવું કહેવામાં આવી રહ્યું હતું કે સોનાક્ષી ઝહીર સાથે લગ્ન કરવા માટે ઈસ્લામ સ્વીકારશે પરંતુ હવે જો સોનાક્ષીના ભાવિ સાસરાની વાત માનીએ તો તે એવું કંઈ કરવાની નથી.
સોનાક્ષી સિંહા લગ્ન પછી પોતાનો ધર્મ નહીં બદલે
ઝહીરના પિતાએ આગળ કહ્યું હતું કે, 'તે બિલકુલ પોતાનો ધર્મ બદલી રહી નથી અને તે ચોક્કસ છે. તેમનું મિલન એ હૃદયનું મિલન છે અને તેમાં ધર્મની કોઈ ભૂમિકા નથી. હું માનવતામાં માનું છું. હિંદુઓ ભગવાનને ભગવાન કહે છે અને મુસ્લિમો ભગવાનને અલ્લાહ કહે છે. પરંતુ છેવટે આપણે બધા માણસો છીએ. મારા આશીર્વાદ ઝહીર અને સોનાક્ષી સાથે છે.
સોનાક્ષીના પરિવાર સાથે અણબનાવના અહેવાલો હતા
છેલ્લા ઘણા દિવસોથી એવા અહેવાલો હતા કે સોનાક્ષીના માતા-પિતા કે તેનો ભાઈ લવ કુશ સોનાક્ષી અને ઝહીરના લગ્નથી ખુશ નથી. સોનાક્ષીની માતા પૂનમ સિંહા અને તેના ભાઈએ તેને અનફોલો પણ કરી દીધી હતી. જોકે, આ લગ્નને લઈને શત્રુઘ્ન સિંહાએ એક ઈન્ટરવ્યુમાં સ્પષ્ટ કર્યું હતું કે પરિવારમાં થોડો તણાવ હતો જે હવે દૂર થઈ ગયો છે.
