'હું સલમાન ખાન સાથે લગ્ન...' આ એક્ટ્રેસે કર્યો ચોંકાવનારો ખુલાસો

• રાજકુમાર રાવની પત્ની અને એક્ટ્રેસ પત્રલેખાએ ચોંકાવનારો ખુલાસો કર્યો હતો
  
• પત્રલેખાએ આ એક્ટર સાથે લગ્નનું સપનું જોયું હતું
• રાજકુમાર રાવ અને પત્રલેખાના 2021માં લગ્ન થયા હતા

બોલીવુડ ઈન્ડસ્ટ્રીના લોકપ્રિય એક્ટર રાજકુમાર રાવે પોતાના કરિયરની શરૂઆતમાં નાના-નાના રોલ કર્યા હતા. આ પછી રાજકુમાર રાવે પોતાની એક્ટિંગના દમ પર ઈન્ડસ્ટ્રીમાં એક ખાસ ઓળખ બનાવી છે અને પાછળ વળીને જોયું નથી. રાજકુમાર રાવની પ્રોફેશનલ લાઈફની સાથે સાથે તેની પર્સનલ લાઈફની પણ ખૂબ ચર્ચા થાય છે. રાજકુમાર રાવે તેની લોન્ગ ટાઈમ ગર્લફ્રેન્ડ અને એક્ટ્રેસ પત્રલેખા સાથે વર્ષ 2021માં લગ્ન કર્યા હતા. પરંતુ શું તમે જાણો છો કે પત્રલેખાએ એક વખત કહ્યું હતું કે તે રાજકુમાર રાવ સાથે નહીં પણ બીજા કોઈ સાથે લગ્ન કરવા માંગે છે.

રાજકુમાર રાવ અને પત્રલેખાના 2021માં થયા હતા લગ્ન

મનોરંજનની દુનિયામાં પ્રખ્યાત સ્ટાર્સ રાજકુમાર રાવ અને પત્રલેખાની લવ સ્ટોરી ઘણી પોપ્યુલર રહી છે. રાજકુમાર રાવ અને પત્રલેખા લાંબા સમયથી એકબીજાને ડેટ કરે છે અને વર્ષ 2021માં લગ્નના બંધનમાં બંધાય ગયા હતા. પત્રલેખાએ એક ઈન્ટરવ્યુ દરમિયાન કહ્યું હતું કે તે રાજકુમાર રાવ સાથે નહીં પણ કોઈ અન્ય એક્ટર સાથે લગ્ન કરવા માંગે છે. મીડિયા સાથે વાત કરતી વખતે પત્રલેખાએ કહ્યું હતું કે તે બોલીવુડના સુપરસ્ટાર સલમાન ખાન સાથે લગ્ન કરવા માંગે છે. પત્રલેખાએ આ વાત એવા સમયે કહી હતી જ્યારે તેના લગ્ન રાજકુમાર રાવ સાથે થયા ન હતા. પત્રલેખાએ આ વાત ફિલ્મના પ્રમોશન દરમિયાન કહી હતી અને હવે તેનો ઈન્ટરવ્યુ વાયરલ થઈ રહ્યો છે.

11 વર્ષ સુધી એકબીજાને ડેટ

પત્રલેખાના જણાવ્યા મુજબ બંને ક્યારેય ડેટ પર ગયા નથી પરંતુ ચોક્કસ સાથે સમય વિતાવ્યો છે. લોંગ ડ્રાઈવથી લઈને સાથે ફિલ્મો જોવા સુધી બંનેએ ઘણો સમય સાથે વિતાવ્યો છે. રાજકુમાર રાવ અને પત્રલેખા ઓડિશનમાં એકબીજાનો સાથ આપતા હતા. બંનેએ 2014માં આવેલી ફિલ્મ સિટીલાઈટ્સમાં સાથે કામ કર્યું હતું. તમને જણાવી દઈએ કે આ કપલે 11 વર્ષ સુધી એકબીજાને ડેટ કર્યા અને સાથે કામ કરીને એકબીજાને સમજ્યા.