- તાપસી પન્નુનો જન્મ 1 ઓગસ્ટ 1987ના રોજ દિલ્હીમાં એક શીખ પરિવારમાં થયો હતો
- તેણે 2010માં રિલીઝ થયેલી તેલુગુ ફિલ્મ 'ઝુમ્મંડી નાદમ'થી અભિનયની શરૂઆત કરી હતી
- તાપસીએ 2013માં અક્ષય કુમાર સાથેની ફિલ્મ 'બેબી'માં શાનદાર કામ કર્યું હતું
તાપસી પન્નુ પોતાની ફિલ્મો અને નિવેદનો માટે હંમેશા ચર્ચામાં રહે છે. સોશિયલ મીડિયા પર પણ તે કોઈપણ મુદ્દા પર પોતાનો અભિપ્રાય વ્યક્ત કરવામાં જરાય શરમાતી નથી. કંગના રનૌત સાથે તુ-તુ-મેં-મૈં હોય કે પછી રાષ્ટ્રીય મુદ્દાઓ પર પોતાનો અભિપ્રાય વ્યક્ત કરવો તાપસી પન્નુ કોઈપણ બાબતમાં પાછળ નથી.
હિન્દી પહેલા તેણે તમિલ અને તેલુગુમાં કામ કર્યું
તાપસીએ તમિલ, તેલુગુ અને હિન્દી સિનેમામાં પોતાની અભિનય કુશળતા ફેલાવી છે. તે લાખો દિલો પર રાજ કરે છે. તેણે ફિલ્મ ઈન્ડસ્ટ્રીમાં અત્યાર સુધી શાનદાર કામ કર્યું છે. દરેક જણ તાપસીના કામના વખાણ કરી રહ્યા છે. તાપસીએ વર્ષ 2013માં ફિલ્મ 'ચશ્મે બદ્દૂર'થી બોલીવુડમાં ડેબ્યૂ કર્યું હતું. તાપસી આજે 37 વર્ષની થઈ ગઈ છે. સમયની સાથે તેનો લુક પણ સંપૂર્ણપણે બદલાઈ ગયો છે.
તાપસીનો જન્મ શીખ પરિવારમાં થયો હતો
તાપસી પન્નુનો જન્મ 1 ઓગસ્ટ 1987ના રોજ દિલ્હીમાં એક શીખ પરિવારમાં થયો હતો. તાપસીના પિતા દિલ મોહન વ્યવસાયે બિઝનેસમેન છે અને તેની માતા નિર્મલજીત પન્નુ ગૃહિણી છે. તાપસી બાળપણથી જ અભ્યાસમાં ઘણી સારી હતી. તેણે 12માં 90% માર્ક્સ મેળવ્યા હતા. આ પછી તેણે ગુરુ તેગ બહાદુર ઇન્સ્ટિટ્યૂટ ઓફ ટેક્નોલોજીમાંથી કમ્પ્યુટર સાયન્સમાં એન્જિનિયરિંગ કર્યું. જો કે, સ્નાતક થયા બાદ તેનું મન ડગમગ્યું અને તેણે મોડેલિંગ તરફ તેની કારકિર્દી બનાવવાનું નક્કી કર્યું હતું.
તાપસીએ પોતાના કરિયરની શરૂઆત મોડલિંગથી કરી
તાપસી પન્નુએ 2008માં ચેનલ વીના ટેલેન્ટ હન્ટ શો ગેટ ગોર્જિયસ માટે ઓડિશન આપ્યું હતું જેમાં તેણીની પસંદગી પણ થઈ હતી. ત્યાર બાદ તાપસીએ ફેમિના મિસ ઈન્ડિયા કોન્ટેસ્ટમાં પણ ભાગ લીધો હતો. તાપસીએ લગભગ 2 વર્ષ સુધી મોડેલિંગ કર્યું અને આ સમય દરમિયાન તાપસી પન્નુએ રિલાયન્સ ટ્રેન્ડ્સ, રેડ એફએમ, કોકા-કોલા, મોટોરોલા, પેન્ટલૂન જેવી ઘણી મોટી બ્રાન્ડ માટે કામ કર્યું હતું.
તાપસીએ તેની ફિલ્મી કરિયરની શરૂઆત તેલુગુ ફિલ્મથી કરી હતી. તેણે 2010માં રિલીઝ થયેલી તેલુગુ ફિલ્મ 'ઝુમ્મંડી નાદમ'થી અભિનયની શરૂઆત કરી હતી. તાપસીએ તેલુગુ, તમિલ અને મલયાલમ ત્રણેય ભાષાની ફિલ્મોમાં કામ કર્યું છે.
અભિનેત્રી તરીકે તાપસીની કારકિર્દીમાં ટર્નિંગ પોઈન્ટ
તાપસીએ 2013માં અક્ષય કુમાર સાથેની ફિલ્મ 'બેબી'માં શાનદાર કામ કર્યું હતું. આ ફિલ્મમાં તેને સિક્રેટ એજન્ટ શબાનાની ભૂમિકામાં ખૂબ પસંદ કરવામાં આવી હતી. ત્યાર બાદ તાપસી દરેક ફિલ્મથી ફેમસ થવા લાગી હતી. તે 'પિંક', 'નામ શબાના', 'જુડવા 2', 'મુલ્ક', 'મનમર્ઝિયા', 'બદલા', 'મિશન મંગલ', 'થપ્પડ', 'હસીન દિલરૂબા' અને 'રશ્મિ રોકેટ' જેવી ઘણી ફિલ્મોમાં જોવા મળી છે.
