બીજી વખત પ્રેગનેન્ટ છે તારક મહેતાની...પ્રિયા આહુજા?અભિનેત્રીએ મૌન તોડતા કહ્યું-હું કામથી બ્રેક...

• પ્રિયા આહુજાની પ્રેગનેન્સીને લઇને સમાચાર
  
• પ્રેગનેન્સી પર અભિનેત્રીએ તોડી આખરે ચુપ્પી
• આ અહેવાલોને સંપૂર્ણપણે ખોટા ગણાવ્યા છે

તાજેતરમાં 'તારક મહેતા કા ઉલ્ટા ચશ્મા' ફેમ પ્રિયા આહુજા વિશે સમાચાર આવ્યા હતા કે તે બીજી વખત માતા બનવા જઈ રહી છે. સોશિયલ મીડિયા પર એવી અટકળો ચાલી રહી હતી કે તે ખૂબ જ જલ્દી તેના બીજા બાળકને જન્મ આપવાની છે.

હવે એક્ટ્રેસે પ્રેગ્નન્સીના સમાચાર પર પોતાનું મૌન તોડ્યું છે. તેણે આ અહેવાલોને સંપૂર્ણપણે ખોટા ગણાવ્યા છે.

અભિનેત્રીએ તેનું મૌન તોડ્યું

થોડા દિવસો પહેલા, જન્માષ્ટમીના ખાસ અવસર પર, અભિનેત્રીએ તેના ઇન્સ્ટાગ્રામ એકાઉન્ટ પર કેટલીક તસવીરો શેર કરી હતી, જેના પછી અનુમાન લગાવવામાં આવ્યું હતું કે તે બીજી વખત માતા બનવા જઈ રહી છે. શોમાં રીટા રિપોર્ટરનો રોલ પ્લે કરનાર પ્રિયાએ જણાવ્યું કે તેણે પોતાની પહેલી પ્રેગ્નન્સી દરમિયાનની તસવીરો શેર કરી હતી, જેમાં તેનું બેબી બમ્પ દેખાઈ રહ્યું છે.

અભિનેત્રી કહે છે કે 'હું અત્યારે કામ કરી રહી છું કારણ કે હું કામમાંથી બ્રેક લેવા માંગતી નથી. આ સાથે હું મારા માતૃત્વને પણ માણી રહી છું. પ્રિયાના વર્ક ફ્રન્ટની વાત કરીએ તો આ દિવસોમાં તે સ્ટાર પ્લોટના ફેમસ શો 'ગમ હૈ કિસી કે પ્યાર મેં'માં જોવા મળે છે.

પ્રિયાએ તેના પતિ સાથે ફરીથી લગ્ન કર્યા

પ્રિયાના અંગત જીવનની વાત કરીએ તો તેણે 12 વર્ષ પહેલા પોતાના શોના ડાયરેક્ટર માલવ રાજદા સાથે લગ્ન કર્યા હતા. બંનેને એક પુત્ર પણ છે. લગ્નના 10 વર્ષ પૂર્ણ થતાં પ્રિયાએ તેના પતિ સાથે ફરી સાત ફેરા લીધા. તેમના લગ્નની તસવીરો સોશિયલ મીડિયા પર વાયરલ થઈ હતી.