TMKOC: તારક મહેતા સીરિયલ વાળી જેનિફર 'રોશન'ની જીંદગીમાં અંધકાર, વાંચો કેમ

• જેનિફર મિસ્ત્રીને બહેનની સંભાળ લેવા માટે તેના ઘરે જવું પડ્યું
  
• મારી નાની બહેનની હાલત ગંભીર છે તે તે વેન્ટિલેટર પર છે: જેનિફર 
• અભિનેત્રીએ જણાવ્યું કે તે છેલ્લા દોઢ વર્ષથી મુશ્કેલ જીવન જીવી રહી છે

'તારક મહેતા કા ઉલ્ટા ચશ્મા'માં રોશન કૌર સોઢીનું પાત્ર ભજવનાર જેનિફર મિસ્ત્રી શોકમાં ગરકાવ થઈ ગઈ છે. તેમની નાની બહેનની વેન્ટિલેટર પર જીવન-મરણની લડાઈ લડી રહી છે. આવી સ્થિતિમાં, તેણે તેની બહેનની સંભાળ લેવા માટે તેના ઘરે જવું પડ્યું છે. આ સમયે તેની પાસે કોઈ કામ નથી. 

તારક મહેતાની જેનિફર મુશ્કેલીમાં

રિપોર્ટ અનુસાર, 'તારક મહેતા' ફેમ જેનિફર પોતાના અંગત જીવનમાં ઘણી મુશ્કેલીઓમાંથી પસાર થઈ રહી છે. અભિનેત્રીએ કહ્યું હતું કે, મારી નાની બહેનની હાલત ગંભીર છે. તેથી જ હું મારા વતન આવી છું. તે વેન્ટિલેટર પર છે અને આ સમયે તેને મારી સૌથી વધુ જરૂર છે. તેની હાલત એકદમ નાજુક છે. તે જીવન અને મૃત્યુ વચ્ચે સંઘર્ષ કરી રહી છે. આવી સ્થિતિમાં મારે તેની સાથે રહેવું પડશે.

છેલ્લું દોઢ વર્ષ પીડામાં

અભિનેત્રીએ જણાવ્યું કે તે છેલ્લા દોઢ વર્ષથી મુશ્કેલ જીવન જીવી રહી છે. મારા નાના ભાઈના અવસાન પછી હું મારા મામાની સાત છોકરીઓની સંભાળ રાખું છું. આ સમયે અસિત મોદી મામલો બન્યો હતો. મારા માટે બધી વસ્તુઓ એકસાથે મેનેજ કરવી ખૂબ મુશ્કેલ હતું. તેથી છેલ્લા કેટલાક મહિના મારા માટે મુશ્કેલીભર્યા રહ્યા છે.

જેનિફરે એ પણ જણાવ્યું કે 'તારક મહેતા' છોડ્યા બાદ તેને અત્યાર સુધી કોઈ રોલ ઓફર કરવામાં આવ્યો નથી. પરંતુ એક પ્રોડક્શન હાઉસ છે જે મારા જેવા પાત્રની શોધમાં છે. કદાચ તે લોકો શો માટે તેનો સંપર્ક કરશે. તમને જણાવી દઈએ કે થોડા સમય પહેલા જેનિફરે 'તારક મહેતા કા ઉલ્ટા ચશ્મા'ના નિર્માતા વિરુદ્ધ યૌન ઉત્પીડનનો કેસ જીત્યો હતો. કોર્ટે અસિત મોદીને 5 લાખ રૂપિયાનું વળતર ચૂકવવા કહ્યું છે, પરંતુ હજુ સુધી તેમને વળતરની રકમ મળી નથી.

અભિનેત્રીએ કહ્યું હતું કે,  મને 5 લાખ રૂપિયાના વળતર માટે 17 એપ્રિલ સુધી રાહ જોવાનું કહેવામાં આવ્યું છે. આ સિવાય તેણે અસિત મોદી પાસેથી તેની બાકી રકમ પણ વસૂલવાની છે જે અંદાજે 25 લાખ રૂપિયા છે. આશા છે કે, જેનિફરની તમામ સમસ્યાઓ ટૂંક સમયમાં સમાપ્ત થઈ જશે.