- ગુજરાતી સિંગર કિંજલ દવેની સગાઇ તૂટી
- સાટા પદ્ધતિથી થઇ હતી સિંગરની સગાઇ
- સગાઇ તૂટવાના સમાચારથી મચ્યો ખળભળાટ
‘ચાર ચાર બંગડી’ ગીતથી દેશભરમાં જાણીતી થયેલ ગુજરાતની જાણીતી સિંગર કિંજલ દવેની સગાઈ તૂટવાના સમાચાર સામે આવ્યા છે. કિંજલ પોતાના મ્યૂઝિક આલ્બમને લઈને ચર્ચામાં રહે છે. ગુજરાતી સિંગર કિંજલ દવેની સગાઈ તૂટવાના સમાચાર સામે આવતા ખળભળાટ મચી ગયો છે. આ સમાચાર આગની જેમ ફેલાઇ ગયા છે.
તમને જણાવી દઇએ કે પાંચેક વર્ષ અગાઉ પવન જોશી સાથે કિંજલ દવેએ સગાઈ કરી હતી. મળતી માહિતી અનુસાર સાટા પદ્ધતિથી કિંજલ અને તેના ભાઈ આકાશની સગાઈ કરવામાં આવી હતી. કિંજલના ફિયોન્સ પવનની બહેન સાથે આકાશ દવેની પણ સગાઈ કરાઈ હતી. પવન જોશીની બહેને અન્ય જગ્યાએ કોર્ટ મેરેજ કરી લેતા કિંજલ દવેની પણ સગાઈ તૂટી હોવાનું સૂત્રો દ્વારા જાણવા મળ્યું છે.
કિંજલની સગાઇ તેના બાળપણના મિત્ર કરણ સાથે થઇ હતી. કિંજલ દવેએ પાંચ વર્ષ દરમિયાન ફિયાન્સ પવન જોશી સાથેની અનેક તસવીરો સોશિયલ મીડિયા પર શેર કરી હતી. ત્યારે સગાઈ તૂટ્યા બાદ કિંજલ દવેએ પોતાના સોશિયલ મીડિયા એકાઉન્ટ પરથી ફિયાન્સની તમામ તસવીરો હટાવી દીધી એવું જાણવા મળ્યું છે.
