‘તારક મહેતા કા ઉલ્ટા ચશ્મા’ ટીવી પર સૌથી લાંબો ચાલતો શો છે. આ શોને 16 વર્ષ પૂરા થયા છે અને આ સફર આજે પણ ચાલુ છે. કેટલાક લોકો એક પછી એક શો છોડી રહ્યા છે. હાલમાં જ ગોલીનું પાત્ર ભજવનાર અભિનેતા કુશ શાહે શોને અલવિદા કહી દીધું છે. પરંતુ તમને જણાવી દઈએ કે આ કલાકારો શો છોડ્યા બાદ શું કરી રહ્યા છે.
ગુરુચરણ સિંહ (રોશન સિંહ સોઢી)
ગુરુચરણ સિંહે રોશન સિંહ સોઢીનું પાત્ર ખૂબ જ સારી રીતે ભજવ્યું અને તેને એક અલગ ઓળખ પણ આપી. પરંતુ કેટલાક અંગત કારણોસર તેને શો છોડવાનો નિર્ણય કર્યો, તેથી હવે તેની જગ્યાએ બલવિંદર સિંહ શોમાં જોવા મળી રહ્યા છે, જે અગાઉ ફિલ્મોમાં પણ કામ કરી ચૂક્યા છે. ગુરુચરણ સિંહે અત્યારે કામની શોધમાં છે
ભવ્ય ગાંધી (ટપ્પુ)
જેઠાલાલના પુત્ર ટપ્પુની ભૂમિકા ભવ્ય ગાંધીએ શરૂઆતથી જ ભજવી હતી અને આ ભૂમિકાથી તેમને દરેક ઘરમાં ઓળખ મળી હતી. દર્શકોએ પણ ટપ્પુને ખૂબ પસંદ કર્યું હતું પરંતુ હવે તેના બદલે નીતિશ ભાલુની આ રોલમાં જોવા મળે છે. હાલમાં અન્ય ટીવી શોમાં કામ કરી રહ્યો છે.
કવિ કુમાર આઝાદ (ડો. હાથી)
ડો. હાથીની ભૂમિકામાં કવિ કુમાર આઝાદ અદ્ભુત હતા, પરંતુ તેમના મૃત્યુ પછી, આ રોલ નિર્મલ સોની છેલ્લા કેટલાક વર્ષો સુધી ભજવી રહ્યો છે.
ઝિલ મહેતા (સોનુ)
શરૂઆતમાં થોડા વર્ષો સુધી ટપ્પુ સેનાના મહત્વના સભ્ય સોનુનું પાત્ર ઝિલ મહેતાએ ભજવ્યું હતું. પરંતુ પછી નિધિ ભાનુશાળીએ તેના પાત્રમાં પ્રવેશ કર્યો. ઝિલ મહેતા હાલમાં ફોટોગ્રાફી કરી રહી છે.
નિધિ ભાનુશાલી (સોનુ)
ઝીલ મહેતા પછી, નિધિ ભાનુશાલીને સોનુની ભૂમિકા માટે સામેલ કરવામાં આવી હતી, જે આ શોમાં માધવી અને ભીડેની પુત્રીની ભૂમિકામાં જોવા મળી હતી, પરંતુ તેણે પણ થોડા વર્ષો પછી શો છોડી દીધો હતો. હાલમાં આ રોલ પલક સિધવાની ભજવી રહી છે. નિધિ ભાનુશાલી અન્ય ટીવી શોમાં કામ કરી રહી છે.
નેહા મહેતા (અંજલિ મહેતા)
નેહા મહેતા શોની શરૂઆતથી જ તારક મહેતાની પત્ની એટલે કે અંજલિ મહેતાની ભૂમિકા ભજવી રહી હતી, પરંતુ જ્યારે લોકડાઉન બાદ શો શરૂ થયો ત્યારે તે પાછી ફરી ન હતી અને શો છોડવાનો નિર્ણય કર્યો. તેથી, હવે તે આ શોમાં જોવા નહીં મળે, પરંતુ તેનું સ્થાન હવે સુનૈના ફોજદારે લીધું છે. નેહા મહેતા હાલમાં થિયેટરમાં કામ કરી રહી છે.
દિશા વાકાણી
મેટરનિટી લીવ પર ગયેલી દિશા વાકાણી આજદિન સુધી શોમાં પરત આવી નથી અને તે ક્યારે પરત ફરશે તેની કોઈ માહિતી નથી. પરંતુ હાલમાં તેમની જગ્યા હજુ સુધી કોઈએ લીધી નથી. દિશા વાકાણી હાલમાં તેનો પેરેન્ટિંગ પિરીયડ એન્જોય કરી રહી છે.
કુશ શાહ
શોમાં ગોલીનું પાત્ર ભજવનાર કુશ શાહે શો છોડી દીધો છે. શોને વિદાય આપતી વખતે તેને કહ્યું હતું કે તેણે આ શોમાં 16 વર્ષ પૂરા કર્યા છે અને આ સફર ખૂબ જ સુંદર રહી છે. મેકર્સે કુશ શાહને શો છોડવાની માહિતી આપવા માટે એક વીડિયો પણ શેર કર્યો હતો.
