વિકી જૈને કાચિંડાની જેમ બદલ્યો રંગ,અંકિતાની માતાને જોઈને પત્ની પર વરસાવ્યો પ્રેમ

• શોના ફેમિલી વીકમાં માતાને જોઈ અંકિતા ભાવૂક થઈ
  
• સાસુને જોઈને વિકીએ પગને સ્પર્શ કર્યા
• હંમેશા લડતો વિકી સાસુને સામે અચાનક અંકિતાના પ્રેમમાં પડ્યો

સલમાન ખાનના રિયાલિટી શોમાં દરરોજ કોઈને કોઈ ડ્રામા જોવા મળે છે. શોમાં દરરોજ સ્પર્ધકો એકબીજા સાથે લડતા જોવા મળે છે. આ દિવસોમાં જે લોકો સૌથી વધુ લડી રહ્યા છે તે અંકિતા લોખંડે અને વિકી જૈન છે. અંકિતા અને વિકી શોમાં બિલકુલ સાથે નથી. બંને કોઈને કોઈ કારણસર લડતા જોવા મળે છે. શોમાં ફેમિલી વીક શરૂ થઈ ગયું છે. સ્પર્ધકના પરિવારના સભ્યો ઘરે આવવાના છે. અંકિતાની માતા ફેમિલી વીકમાં પહેલીવાર આવી હતી. આટલા લાંબા સમય બાદ માતાને જોઈને અંકિતાના આંસુ રોકાયા નહોતા અને મા-દીકરી બંને રડવા લાગ્યા હતા. સાસુને જોઈને વિકીનો સૂર પણ સાવ બદલાઈ ગયા હતા.

શોનો નવો પ્રોમો સામે આવ્યો છે જેમાં અંકિતાની માતાની ઘરમાં એન્ટ્રી જોવા મળી રહી છે. તે અંકિતાને મળે છે અને તેને ગળે લગાવે છે. જેને જોઈને ઘરના દરેક લોકો ભાવુક થઈ જાય છે.

સાસુ-સસરાને જોઈને વિકીએ આવી પ્રતિક્રિયા આપી

સાસુને જોઈને વિકી તેમની પાસે જઈને પગને સ્પર્શ કરે છે અને તેને ગળે લગાવે છે. સાસુ પણ વિકી પર ઘણો પ્રેમ વરસાવે છે. કલાકો પહેલા અંકિતા સાથે ચીસો પાડતો અને લડતો વિકી અચાનક અંકિતાના પ્રેમમાં પડી જાય છે. તે અંકિતાના ગાલ પર કિસ કરે છે અને તેની સામે કૂદવાનું શરૂ કરે છે.

અંકિતાની માતા ઘરના સભ્યોને મળી

ત્યાર બાદ અંકિતાની માતા એક પછી એક ઘરના બધા લોકોને મળે છે. અંકિતાની માતાને મળ્યા બાદ પરિવારના સભ્યો ખૂબ જ ખુશ થઈ ગયા હતા. તમને જણાવી દઈએ કે વિકી અને અંકિતા દરરોજ કોઈ ને કોઈ મુદ્દા પર લડતા જોવા મળે છે. અંકિતાને વિકી મન્નારા સાથે મિત્રતા કરે તે પસંદ નથી. તે ઈચ્છતી નથી કે તે મન્નરા પાસે જઈને બેસે કે તેની સાથે વાત કરે. વિકી નથી ઈચ્છતો કે અંકિતા મુનવ્વર સાથે વધુ સમય વિતાવે.