Wayanad Landslides: પીડિતોના પડખે આવ્યા પ્રભાસ,રાહત ફંડમાં આટલા કરોડ રૂપિયાનું દાન કર્યું!

• કેરળમાં પીડિતોની મદદ માટે આવ્યા પ્રભાસ
  
  
• કેરળના મુખ્યમંત્રી રાહત ફંડમાં કર્યું દાન
• ભૂસ્ખલનથી પ્રભાવિત લોકોને કરી મદદ

કેરળ રાજ્યને પૂરના કારણે ભારે નુકસાન થયું છે. રાજ્યમાં તબાહી બાદ ફિલ્મ ઈન્ડસ્ટ્રીની અનેક મોટી હસ્તીઓ પીડિતોની મદદ માટે આગળ આવી છે. દાન દ્વારા, તેઓ એવા લોકોને મુશ્કેલ સમયમાં મદદ કરી રહ્યા છે જેમણે વિનાશક પૂર અને ભૂસ્ખલનને કારણે બધું ગુમાવ્યું છે. હવે સુપરસ્ટાર પ્રભાસ પીડિતોની મદદ માટે આગળ આવ્યો છે.

વાયનાડમાં ભૂસ્ખલનથી પ્રભાવિત લોકોને કરી મદદ

અભિનેતાએ વાયનાડમાં ભૂસ્ખલનથી પ્રભાવિત લોકોની મદદ માટે કેરળના મુખ્યમંત્રી રાહત ફંડમાં 2 કરોડ રૂપિયાનું દાન કર્યું છે. તમને જણાવી દઈએ કે 30 જુલાઈના રોજ પંજીરીમટ્ટમ, મુંડક્કાઈ, ચુરલમાલા સહિત અનેક ગામોમાં ભૂસ્ખલન થયું હતું, જેમાં 400થી વધુ લોકોએ જીવ ગુમાવ્યા છે, જ્યારે 150થી વધુ લોકો હજુ પણ લાપતા છે.

કેરળ મુખ્યમંત્રી રિલીફ ફંડમાં 2 કરોડ રૂપિયાનું દાન

અભિનેતાના ફેન ક્લબ એકાઉન્ટે જાહેરાત સાથે X પર એક પોસ્ટર શેર કર્યું. પોસ્ટના કેપ્શનમાં લખ્યું છે કે, પ્રભાસે વાયનાડ ભૂસ્ખલન પીડિતોની મદદ માટે કેરળ મુખ્યમંત્રી રિલીફ ફંડમાં 2 કરોડ રૂપિયાનું દાન કર્યું છે.

એક સપ્તાહ કરતાં વધુ સમયથી સર્ચ ઓપરેશન ચાલુ

પ્રભાવિત વિસ્તારોમાં એક સપ્તાહ કરતાં વધુ સમયથી સર્ચ ઓપરેશન ચાલી રહ્યું છે. એવું કહેવામાં આવી રહ્યું છે કે વધુ લોકો માટી નીચે દટાયા છે. કૃષિ વિભાગના રિપોર્ટ અનુસાર, ચુરામાલા, અટ્ટમાલા અને મુંડક્કાઈ જેવા ઘણા વિસ્તારોમાં 310 હેક્ટર ખેતીની જમીન નાશ પામી છે.

લગભગ 1139 ગ્રાહકોને મળશે લાભ

આ મામલે વિભાગના મંત્રી કે કૃષ્ણકુટ્ટીએ જાહેરાત કરી છે કે ભૂસ્ખલન પ્રભાવિત વિસ્તારોમાં આગામી છ મહિના સુધી વીજળીના બિલ લેવામાં આવશે નહીં. તેમણે એમ પણ કહ્યું કે લગભગ 1139 ગ્રાહકોને આનો લાભ મળશે.

કેરળના મુખ્યમંત્રી રાહત ફંડમાં દાન

ભૂસ્ખલનથી પ્રભાવિત લોકોને મદદ કરવા માટે ફિલ્મ સેલિબ્રિટીઓ અને ઉદ્યોગપતિઓ કેરળના મુખ્યમંત્રી રાહત ફંડમાં નાણાં દાન કરી રહ્યા છે. પ્રભાસ પહેલા ચિરંજીવી અને તેમના પુત્ર રામ ચરણે કેરળ સીએમ રિલીફ ફંડમાં 1 કરોડ રૂપિયાનું યોગદાન આપ્યું હતું. અલ્લુ અર્જુને રૂ. 50 લાખનું દાન આપ્યું હતું, જ્યારે રશ્મિકા મંડન્નાએ રાહત પ્રયત્નોમાં રૂ. 10 લાખનું યોગદાન આપ્યું હતું.