અદાણી ગ્રુપના ચેરમેન ગૌતમ અદાણીના નાના પુત્ર જીત અદાણીના લગ્ન 7 ફેબ્રુઆરીએ થવાના છે. ગૌતમ અદાણીએ પોતે આ અંગે માહિતી આપી છે. તેમને કહ્યું કે જીતના લગ્ન ખૂબ જ સાદગી અને પરંપરાગત રીતે થશે. આ લગ્નમાં પરિવારના સભ્યો હાજરી આપશે. ગૌતમ અદાણીના નાના દીકરા જે મહિલા સાથે લગ્ન કરવા જઈ રહ્યા છે તેનું નામ દિવા જૈમિન શાહ છે.
જીત અદાણીની સગાઈ હીરા ઉદ્યોગપતિની પુત્રી દિવા જૈમિન શાહ સાથે થઈ હતી, જે 12 માર્ચ, 2023ના રોજ થઈ હતી. હવે તેમના લગ્ન 7 ફેબ્રુઆરીએ થવાના છે. ગૌતમ અદાણી મંગળવારે મહાકુંભ પહોંચ્યા હતા, તેમની પત્ની પણ તેમની સાથે હતી. અહીં તેમને સંગમમાં પવિત્ર સ્નાન કર્યું અને પ્રયાગરાજના લાટ હનુમાન મંદિરમાં પૂજા પણ કરી. અહીં મીડિયા સાથે વાત કરતા તેમને તેમના પુત્ર જીત અદાણીના લગ્નની તારીખ વિશે માહિતી આપી.
દિવા જૈમિન શાહ કોણ છે?
દિવા જૈમિન શાહ હીરા કંપની સી. દિનેશ એન્ડ કંપની પ્રાઈવેટ લિમિટેડના માલિક જૈમિન શાહની પુત્રી છે. જૈમિન શાહ સુરત હીરા બજારના મોટા ઉદ્યોગપતિઓમાંના એક છે. તેમની સગાઈ ખાનગી રાખવામાં આવી હતી, જેના વિશે ફક્ત ખાસ લોકોને જ જાણ કરવામાં આવી હતી. પરંતુ હવે ગૌતમ અદાણીએ લગ્નની તારીખ જાહેરમાં જાહેર કરી છે.
જીતની ભાવિ પત્ની પાસે કેટલી મિલકત છે?
ડાયમંડ બિઝનેસમેનની પુત્રી દિવા જૈમિન શાહ લાઈમલાઈટથી દૂર રહે છે. આ વિશે વધુ માહિતી ઉપલબ્ધ નથી. પરંતુ મીડિયા રિપોર્ટ્સ મુજબ દિવા જૈમિન શાહ કરોડોની માલિક પણ છે. આ સિવાય તેની લક્ઝુરી લાઈફસ્ટાઈલ છે. દિવા તેના પિતાને તેમના વ્યવસાયમાં મદદ કરે છે. દિવા સી. દિનેશ એન્ડ કંપની પ્રા. લિ. ડાયમંડ કંપની મુંબઈ અને સુરત સ્થિત છે. આ કંપની ચિનુ દોશી, દિનેશ શાહ દ્વારા શરૂ કરવામાં આવી હતી. જૈમિન શાહ કંપનીના ડાયરેક્ટર છે.
જીત અદાણીની નેટવર્થ કેટલી?
ગૌતમ અદાણીના નાના પુત્ર જીત અદાણીની કુલ સંપત્તિ અબજો રૂપિયા છે. જીત 2019માં અદાણી ગ્રુપમાં જોડાયો. તે અદાણી પોર્ટ્સ અને અદાણી ડિજિટલ લેબ્સનો વ્યવસાય જુએ છે. જીને પેન્સિલવેનિયા યુનિવર્સિટીમાંથી ગ્રેજ્યુએશનની ડિગ્રી મેળવી.
જીતના લગ્નમાં પરફોર્મ કરશે ટેલર સ્વિફ્ટ?
તમને જણાવી દઈએ કે, ગૌતમ અદાણીના પુત્ર જીત અદાણીના લગ્ન ગુજરાતના હીરા વેપારી જૈમિન શાહની પુત્રી દિવા જૈમિન શાહ સાથે થઈ રહ્યા છે. બંનેએ 12 માર્ચ 2023ના રોજ સગાઈ કરી અને પોતાના સંબંધોને ખાનગી રાખ્યા. મીડિયા રિપોર્ટ મુજબ ફેમસ હોલીવુડ સિંગર ટેલર સ્વિફ્ટ જીતના લગ્નમાં પરફોર્મ કરશે.
