- ફિલ્મ પઠાણ વિવાદ હજુ પણ યથાવત
- હવે આસામના સીએમએ કર્યા સવાલ
- પ્રેસ કોન્સફરન્સમાં કહ્યું કોણ છે શાહરૂખ
બોલિવૂડના બાદશાહ શાહરૂખ ખાન પાંચ વર્ષ બાદ મોટા પડદા પર વાપસી કરી રહ્યો છે. સિદ્ધાર્થ આનંદ દ્વારા નિર્દેશિત પઠાણ સાથે શાહરૂખ ખાન બોક્સ ઓફિસ પર કમબેક કરી રહ્યો છે. પઠાણ ફિલ્મમાં દીપિકા પાદુકોણ અને જ્હોન અબ્રાહમ શાહરૂખ ખાન સાથે જોવા મળશે. પઠાણનું બેશરમ રંગ ગીત રિલીઝ થયું ત્યારથી જ આ ફિલ્મ માત્ર ચર્ચાઓ જ નહીં પરંતુ વિવાદોમાં પણ ઘેરાયેલી છે. જ્યારે દીપિકા પાદુકોણની કેસરી બિકીની પર સવાલો ઉઠાવવામાં આવ્યા હતા ત્યારે અશ્લીલતાને લઈને પણ ઘણા સવાલો ઉભા થયા હતા. હવે ફરી એકવાર કંઈક એવું બન્યું છે કે #WhoisShahrukhkhan ટ્વિટર પર ટ્રેન્ડ કરી રહ્યું છે. કોણ છે શાહરૂખ ખાન? હવે આવું કેમ થઈ રહ્યું છે, લોકો આ હેશટેગ પર શા માટે સતત પ્રતિક્રિયા આપી રહ્યા છે. ચાલો જાણીએ.
પઠાણ બાબતે ઝઘડો થયો હતો
થોડા દિવસો પહેલા, બજરંગ દળના કાર્યકરોએ પઠાણ વિવાદને લઈને અમદાવાદમાં એક મોલમાં તોડફોડ કરી હતી. તેણે આ ફિલ્મની રિલીઝ પર પ્રતિબંધ મૂકવાની પણ માંગ કરી હતી. આ સમગ્ર વિવાદ પર આસામના મુખ્યમંત્રી હિમંતા બિસ્વા સરમાને સવાલ કરવામાં આવ્યો હતો. આ મામલે તેમની પાસેથી જવાબ માંગવામાં આવ્યો હતો.
CM એ કહ્યું- કોણ છે શાહરૂખ ખાન?
પઠાણ વિવાદ પર પ્રતિક્રિયા આપવાના સવાલ પર સીએમ હિમંતા બિસ્વા ગુસ્સે થઈ ગયા. પ્રેસ કોન્ફરન્સમાં આવા સવાલો પર તે ગુસ્સે થઈ ગયા અને કહ્યું, કોણ શાહરૂખ ખાન? હું તેના વિશે કે પઠાણ વિશે કંઈ જાણતો નથી.
લોકોએ ટ્વિટર પર અદ્ભુત જવાબો આપ્યા
હવે સીએમના આ જવાબ બાદ લોકો ટ્વિટર પર પ્રતિક્રિયા આપવા લાગ્યા છે. શાહરૂખ ખાનના ચાહકો સીએમથી નારાજ થયા. કિંગ ખાનના ફેન્સે કહ્યું કે આખરે શાહરૂખ ખાન કોણ છે. એક ટ્વિટર યુઝરે તો શાહરૂખ ખાનની પીએમ મોદી સાથેની સેલ્ફીને ટેગ કરીને લખ્યું - આ તે શાહરૂખ ખાન છે જેને તમે આજ સુધી મળ્યા પણ નથી. એક યુઝરે લખ્યું- બીજેપી જાણે છે કે શાહરૂખ ખાન શું છે અને શા માટે તેના ફેન્સ સાથે ગડબડ ન કરવી જોઈએ.
