Salman Khanના શો બિગ બોસમાં કોને કરવામાં આવ્યા બેન? કોને મળી એન્ટ્રી?

સલમાન ખાનનો શો બિગ બોસ ટીવી પરનો સૌથી લોકપ્રિય શો છે. તેની સીઝન 18 પૂરી થઈ છે અને હવે ફેન્સ બિગ બોસ 19 ની આતુરતાથી રાહ જોઈ રહ્યા છે.

થોડા સમય પહેલા એવું કહેવામાં આવી રહ્યું હતું કે પ્રોડક્શન અને ચેનલ વચ્ચેના વિવાદને કારણે, બિગ બોસ 19 આ વર્ષે ટેલિકાસ્ટ થશે નહીં, પરંતુ હવે બધું સરખું થઈ ગયું છે અને આ સાથે બિગ બોસ 19 ની તૈયારીઓ પણ શરૂ થઈ ગઈ છે. આ વખતે નિર્માતાઓએ શોમાં કેટલાક લોકોના પ્રવેશ પર બેન મૂક્યો છે.

બિગ બોસ 19 ક્યારે શરૂ થશે?

નિર્માતાઓએ હવે બિગ બોસ 19 ની તૈયારીઓ પૂરજોશમાં શરૂ કરી દીધી છે. નિર્માતાઓએ પણ સ્પર્ધકોનો સંપર્ક કરવાનું શરૂ કરી દીધું છે. આ શો 30 જુલાઈથી શરૂ થશે તેવું જાણવા મળ્યું છે. સલમાન ખાન જૂનના અંત સુધીમાં પ્રોમોનું શૂટિંગ શરૂ કરી શકે છે.

બિગ બોસ 19 કેટલા મહિના ચાલશે?

આ શો અંદાજે 5-6 મહિના ચાલી શકે છે. આ શો જાન્યુઆરી 2026 સુધી જોઈ શકવાની શક્યતાઓ છે. અહેવાલો અનુસાર, આ વર્ષે રિયાલિટી શોનું OTT વર્ઝન બંધ કરી દેવામાં આવ્યું છે. એટલે કે, બિગ બોસ OTT 4 થશે નહીં અને તેથી, ટીવી વર્ઝન 5.5 મહિના સુધી ચાલવાની શક્યતા છે.

આ શોમાં ફક્ત ટીવી અને ફિલ્મ સ્ટાર્સ જ હશે સ્પર્ધકો 

મીડિયા રિપોર્ટ મુજબ, આ વખતે નિર્માતાઓએ શોમાં ફક્ત ટેલિવિઝન અને બોલીવુડ ઉદ્યોગના લોકપ્રિય ચહેરાઓને જ સામેલ કરવાનો નિર્ણય લીધો છે. આ વખતે બિગ બોસ 19 માં કોઈ સોશિયલ મીડિયા ઇનફલ્યુન્સર કે યુટ્યુબર જોવા મળશે નહીં.

મીડિયા માહિતી મુજબ, નિર્માતાઓએ આ સીઝનને શાનદાર બનાવવા માટે ઈન્ડસ્ટ્રીના લોકપ્રિય સેલેબ્સનો સંપર્ક કરવાનું શરૂ કરી દીધું છે. હજુ સુધી કંઈ પુષ્ટિ થઈ નથી. આ શો લાંબો સમય ચાલે છે કે નહીં અને સ્પર્ધકો કોણ હશે તે જોવું રસપ્રદ રહેશે.