શું સલમાન ખાન સાથે લગ્ન કરશે અમીષા પટેલ? એક્ટ્રેસે આપ્યું ચોંકાવનારું નિવેદન

• અમીષા પટેલે X પર આસ્ક મી એનિથિંગ સત્રનું આયોજન કર્યું
  
• તે મિસ્ટર રાઈટને શોધી રહી છે પરંતુ તે મળ્યો નથી:અમીષા પટેલ
• અમીષા પટેલને સલમાન ખાન સાથે લગ્ન કરવાની ફેન્સે આપી સલાહ

બોલીવુડ એક્ટ્રેસ અમીષા પટેલ હાલમાં જ ફિલ્મ ગદર 2 સાથે પડદા પર પરત ફરી છે. આ ફિલ્મે બોક્સ ઓફિસ પર જોરદાર કમાણી કરી હતી. હાલમાં તેણે તેના એક્સ (અગાઉ ટ્વિટર) પર એક આસ્ક મી એનિથિંગ સેશનનું આયોજન કર્યું હતું જેમાં ફેન્સે તેને લગ્નને લઈને સવાલ પૂછ્યો હતો.

અમીષા પટેલે લગ્ન અંગે આપ્યો આ જવાબ

અમીષા પટેલ સોશિયલ મીડિયા પર ખૂબ જ એક્ટિવ રહે છે. હાલમાં X (અગાઉ ટ્વિટર) પર આસ્ક મી એનિથિંગ સત્રનું આયોજન કર્યું હતું. જેમાં એક ફેને પૂછ્યું હતું કે તે ક્યારે લગ્ન કરશે? અભિનેત્રીએ જવાબ આપતા કહ્યું હતું કે તે મિસ્ટર રાઈટને શોધી રહી છે પરંતુ તે મળ્યો નથી.

ફેન્સે સલમાન સાથે લગ્ન કરવાની આપી સલાહ

અન્ય એક યુઝરે અમીષા પટેલને સલમાન ખાન સાથે લગ્ન કરવાની સલાહ આપી કારણ કે બંને હાલમાં સિંગલ છે. જોકે, ફેન્સના આ સૂચનથી અભિનેત્રી ગુસ્સે થઈ ગઈ હતી અને તેના જવાબમાં તેણે કહ્યું હતું કે, 'સલમાન પરણિત નથી, હું પણ પરણિત નથી, તો ચાલો આપણે લગ્ન કરી લઈએ. શું તર્ક છે. આ લગ્ન છે કે ફિલ્મ પ્રોજેક્ટ?

તમને જણાવી દઈએ કે 49 વર્ષની અમીષા પટેલ સિંગલ લાઈફ જીવી રહી છે. તેણે 2002માં આવેલી ફિલ્મ 'યે હૈ જલવા'માં સલમાન ખાન સાથે કામ કર્યું હતું. ફિલ્મમાં બંનેની ઓનસ્ક્રીન કેમેસ્ટ્રી ખૂબ જ પસંદ કરવામાં આવી હતી. જો કે આ પછી બંને કોઈ ફિલ્મમાં સાથે જોવા મળ્યા નથી. અભિનેત્રીએ ઘણા ઈન્ટરવ્યુમાં કહ્યું છે કે સલમાન હજુ પણ તેના સારા મિત્ર છે અને તેમની વચ્ચે સારી બોન્ડિંગ છે.

અમીષા પટેલના વર્ક ફ્રન્ટ

અમીષા પટેલના વર્ક ફ્રન્ટ વિશે વાત કરીએ તો, અમીષા પટેલે ગદરઃ એક પ્રેમ કથા, આપ મુઝે અચ્છે લગને લગે, મંગલ પાંડેઃ ધ રાઇઝિંગ, હનીમૂન ટ્રાવેલ્સ પ્રાઇવેટ લિમિટેડ અને થોડા પ્યાર થોડા મેજિક જેવી ફિલ્મોમાં કામ કર્યું છે. હાલમાં જ તેની ફિલ્મ ગદર 2 રિલીઝ થઈ હતી જેમાં અમીષાએ સની દેઓલ સાથે સ્ક્રીન શેર કરી હતી. આ ફિલ્મે બોક્સ ઓફિસ પર તમામ રેકોર્ડ તોડી નાખ્યા હતા.

તો બીજી તરફ સલમાન ખાન છેલ્લે કેટરિના કૈફ સાથે ટાઇગર 3માં જોવા મળ્યો હતો. જેને ચાહકોનો મિશ્ર પ્રતિસાદ મળ્યો હતો. હવે તે તેની આગામી ફિલ્મ સિકંદરમાં જોવા મળશે. આ ફિલ્મમાં સલમાન સાથે રશ્મિકા મંદાના લીડ રોલમાં જોવા મળશે. સલમાન ખાનની આ ફિલ્મ આવતા વર્ષે ઈદ પર રિલીઝ થશે.