- સારા અલી ખાનનું રાજકારણમાં જોડાવવા અંગે નિવેદન
- તે ભવિષ્યમાં રાજકારણમાં આવવાનું વિચારી શકે છે:સારા
- અભિનેત્રી પાસે હિસ્ટ્રી અને પોલિટિકલ સાયન્સમાં ડિગ્રી
બોલિવૂડ એક્ટ્રેસ કંગના રનૌતે પોતાની જોરદાર એક્ટિંગથી બોલિવૂડમાં ઘણું નામ કમાવ્યું છે. અભિનેત્રી અવારનવાર રાજનૈતિક મુદ્દાઓ પર પોતાના નિવેદનોને કારણે ચર્ચામાં રહેતી હતી. હવે કંગના હેડલાઇન્સમાં છે કારણ કે તેણે આખરે રાજકારણમાં પ્રવેશ કર્યો છે. ભાજપે લોકસભા ચૂંટણી 2024માં હિમાચલ પ્રદેશની મંડી સીટ પરથી કંગનાને ટિકિટ આપી છે. આ સમાચારની ચર્ચા થઈ રહી હતી હવે સારા અલી ખાનનું રાજકારણમાં આવવાનું નિવેદન સામે આવ્યું છે. એક ઈન્ટરવ્યુમાં સારા અલી ખાને રાજકારણમાં આવવાની વાત કરી છે.
સારા રાજકારણમાં જોડાશે?
એક ઈન્ટરવ્યુમાં જ્યારે સારા અલી ખાનને પૂછવામાં આવ્યું કે શું તે ભવિષ્યમાં રાજકારણમાં જોડાવા ઈચ્છે છે. આના જવાબમાં સારા અલી ખાને કહ્યું હતું કે, 'હા, તે ભવિષ્યમાં રાજકારણમાં આવવાનું વિચારી શકે છે'. જો કે, આ પહેલીવાર નથી જ્યારે અભિનેત્રીએ રાજકારણમાં રસ દાખવ્યો હોય. આ પહેલા પણ વર્ષ 2019માં સારાનો એક ઈન્ટરવ્યુ વાયરલ થયો હતો. આ ઈન્ટરવ્યુમાં અભિનેત્રીએ પોતાની લાયકાત વિશે જણાવ્યું હતું.
અભિનેત્રીએ કહ્યું હતું કે તેની પાસે હિસ્ટ્રી અને પોલિટિકલ સાયન્સમાં ડિગ્રી છે. તેથી તે ગમે ત્યારે રાજકારણમાં જોડાઈ શકે છે. આ સાથે અભિનેત્રીએ કહ્યું હતું કે, 'તેના માટે આ બેકઅપ વિકલ્પ નહીં હોય. જ્યાં સુધી તેને ઈન્ડસ્ટ્રીમાં કામ મળશે ત્યાં સુધી તે અહીં જ રહેશે પરંતુ જ્યારે સમય આવશે ત્યારે તે રાજકારણમાં પણ જવાનો વિચાર કરી શકે છે.
સારાનો વીડિયો વાયરલ થયો
સારા સાથે સંબંધિત આ વીડિયો Reddit પર શેર કરવામાં આવ્યો હતો. હવે આ વીડિયો સોશિયલ મીડિયા પર વાયરલ થઈ રહ્યો છે. હવે આ વીડિયો પર લોકો પોતાનો અભિપ્રાય આપી રહ્યા છે. એક યુઝરે લખ્યું હતું કે, આ લોકો હવે કોઈ ફિલ્ડ નહીં છોડે.
તમને જણાવી દઈએ કે હાલમાં જ સારા અલી ખાનની બે ફિલ્મો મર્ડર મુબારક અને એ મેરે વતન કે લોગોને OTT પ્લેટફોર્મ પર રિલીઝ કરવામાં આવી છે. અભિનેત્રીની બંને ફિલ્મો ચાહકોને ખૂબ જ પસંદ આવી છે. સારા અલી ખાને ફિલ્મ 'એ વતન મેરે વતન'માં સ્વતંત્રતા સેનાની ઉષા મહેતાની ભૂમિકા ભજવી હતી. સારાની આ સ્ટાઈલ ચાહકોને ઘણી પસંદ આવી.
આ ફિલ્મમાં સારા અલી ખાન જોવા મળશે
અભિનેત્રીના વર્ક ફ્રન્ટની વાત કરીએ તો તે હાલમાં અનુરાગ બાસુની મેટ્રોમાં કામ કરી રહી છે. આ ફિલ્મ 13 સપ્ટેમ્બરના રોજ મોટા પડદા પર રિલીઝ થવા જઈ રહી છે. આ સિવાય સારા જગન શક્તિ સાથે એક ફિલ્મ પણ કરી રહી છે. આ ફિલ્મનું ટાઈટલ હજુ જાહેર કરવામાં આવ્યું નથી.
