International Women's Day: શક્તિશાળી મહિલાઓની કહાની

• આ શક્તિશાળી મહિલાઓ પર બની ચુકી છે ફિલ્મો 
  

• મહિલા આધારિત ફિલ્મો લોકોને ખુબ આવી પસંદ 

• દંગલ, સાંડ કી આંખ, સાયના જેવી અનેક ફિલ્મો લોકોને આવી પસંદ 

મહિલાઓ માટે આજનો દિવસ ખૂબ જ ખાસ છે. આજે આંતરરાષ્ટ્રીય મહિલા દિવસના અવસર પર અમે તમને કેટલીક એવી ફિલ્મો વિશે જણાવવા જઈ રહ્યા છીએ. જે તે સશક્ત મહિલાઓના જીવન પર આધારિત છે.  જેના પર આખા દેશને ગર્વ છે. આજે આપણે એવી મહિલાઓ વિશે વાત કરીશું જેમના પર ફિલ્મો બની અને લોકોને પસંદ આવી. મહિલાઓ પર આધારિત આ ફિલ્મો ખૂબ જ ખાસ છે.

દંગલ

ફિલ્મ 'દંગલ'માં બે ખેલાડીઓ અને તેમના પિતાના સંઘર્ષને દર્શાવવામાં આવ્યો છે. આ ફિલ્મ ગીતા ફોગટ અને તેની બહેન બબીતા ​​ફોગટના જીવન પર આધારિત છે. ફિલ્મમાં ગીતા ફોગટ અને બબીતા ​​ફોગટના પાત્રો અભિનેત્રી ફાતિમા સના શેખ અને સાન્યા મલ્હોત્રાએ ભજવ્યા છે. ત્યારે આમિર ખાન તેના પિતા તરીકે જોવા મળ્યો હતો.

સાંડ કી આંખ

2019માં ભૂમિ પેડનેકર અને તાપસી પન્નુની ફિલ્મ સાંડ કી આંખ બે શૂટર દાદી પર આધારિત છે. આ ફિલ્મમાં ચંદ્રો તોમર અને પ્રકાશી તોમરની કહાની દર્શાવવામાં આવી છે. જેઓ એક સાદી ગૃહિણી હોવા છતાં પોતાના સપના પૂરા કરે છે. દરેક વ્યક્તિ તેના શૂટિંગ પહેલાં નમન કરે છે.

સાયના

બેડમિન્ટન ખેલાડી સાઈના નેહવાલના જીવન પર આધારિત આ ફિલ્મ 2021માં આવી હતી. આ ફિલ્મમાં પરિણીતી ચોપરાએ તેનું પાત્ર ભજવ્યું હતું. પદ્મશ્રી, અર્જુન પુરસ્કાર, રાજીવ ગાંધી ખેલ રત્નથી સમ્માનિત થનારી વિશ્વ રેન્કિંગમાં ટોચ પર પહોંચનારી સાઈના નહવાલ પ્રથમ ભારતીય મહિલા ખેલાડી છે.

છપાક

2020માં આવેલી 'છપાક' એસિડ એટેક પીડિતાની વાર્તા પર આધારિત છે. આ ફિલ્મમાં દીપિકા પાદુકોણે મુખ્ય ભૂમિકા ભજવી હતી. ફિલ્મની વાર્તા 15 વર્ષની લક્ષ્મીની છે. જેણે એક યુવક સાથે લગ્ન કરવાનો ઇનકાર કર્યો હતો જ્યારે તેના પર એસિડ ફેંકવામાં આવ્યો હતો.

ગુંજન સક્સેના

લેફ્ટનન્ટ ગુંજન સક્સેના પર 2020માં આવેલી ફિલ્મ સક્સેના ભારતીય વાયુસેના અધિકારી અને ભૂતપૂર્વ હેલિકોપ્ટર પાઇલટ છે. સક્સેના કારગિલ ગર્લ તરીકે પ્રખ્યાત છે. સક્સેના 1994માં આઈએએફમાં જોડાઈ હતી અને 1999ના કારગિલ યુદ્ધમાં જનાર એકમાત્ર મહિલા હતી. જાહ્નવી કપૂરે આ ફિલ્મમાં ગુંજન સક્સેનાનું પાત્ર ભજવ્યું હતું.

મેરી કોમ

પાંચ વખતની વર્લ્ડ ચેમ્પિયન બોક્સર એમસી મેરી કોમને કોઈ પરિચયની જરૂર નથી. મેરી કોમના જીવન પર બનેલી ફિલ્મમાં તેનું પાત્ર પ્રિયંકા ચોપરાએ ભજવ્યું હતું. મેરી કોમને પદ્મ ભૂષણ, અર્જુન એવોર્ડ, પદ્મ શ્રી, ખેલ રત્ન સહિત અનેક પુરસ્કારોથી સન્માનિત કરવામાં આવી છે.