બ્રેસ્ટ કેન્સરની સારવારમાં નવી સફળતા મળી છે. દવા બનાવનાર કંપનીએ દાવો કર્યો છે કે, તેણે એક એવી વેક્સીન બનાવી છે. જેના કારણે બ્રેસ્ટ કેન્સરમાં ટ્યૂમરનો ગ્રોથ સંપૂર્ણ રીતે નાબૂદ કરી શકાય છે.
Disclaimer: સમાચારમાં આપવામાં આવેલી કેટલીક માહિતી મીડિયા રિપોર્ટ્સ પર આધારિત છે. સંદેશ ન્યૂઝ આ મામલે પુષ્ટી કરતું નથી. કોઈપણ સૂચનનો અમલ કરતા પહેલા તમારે સંબંધિત નિષ્ણાતની સલાહ લેવી જોઈએ.
બ્રેસ્ટ કેન્સરની સારવારમાં નવી સફળતા મળી છે. દવા બનાવનાર કંપનીએ દાવો કર્યો છે કે, તેણે એક એવી વેક્સીન બનાવી છે. જેના કારણે બ્રેસ્ટ કેન્સરમાં ટ્યૂમરનો ગ્રોથ સંપૂર્ણ રીતે નાબૂદ કરી શકાય છે.
Disclaimer: સમાચારમાં આપવામાં આવેલી કેટલીક માહિતી મીડિયા રિપોર્ટ્સ પર આધારિત છે. સંદેશ ન્યૂઝ આ મામલે પુષ્ટી કરતું નથી. કોઈપણ સૂચનનો અમલ કરતા પહેલા તમારે સંબંધિત નિષ્ણાતની સલાહ લેવી જોઈએ.
અમેરિકાની દવા બનાવનાર કંપનીએ બ્રેસ્ટ કેન્સર માટે વેક્સીન બનાવી છે. આ વેક્સીન બ્રેસ્ટ કેન્સર કોશિકાઓનો વિકાસ રોકી દે છે. વેક્સીનનો પ્રથમ તબક્કો સફળ રહ્યો છે. બાયોટેક્નોલોજી કંપની એનિક્સા બાયોસાઇન્સે જણાવ્યુ હતુ કે, તેમણે બનાવેલી વેક્સીનનો ટ્રાયલ તબક્કો સફળ રહ્યો છે. જેનું અર્થ એ થાય છે કે, દર્દીને બચાવવા માટે આ વેક્સીન ઉપયોગી સાબિત થશે.
એનિક્સા બાયોસાઇન્સના સીઇઓ અમિત કુમારે વોગ ઇન્ડિયાને જણાવ્યુ હતુ કે, આ વેક્સીન દર્દીની રોગપ્રતિકાર શક્તિને સક્રિય કરે છે. આ વેક્સીન બ્રેસ્ટ કેન્સરની કોશિકાઓનો વિકાસ રોકે છે. અને તેનો નાશ કરે છે. આ રસીકરણ દર બે અઠવાડિયાના અંતરાલમાં ત્રણ ડોઝમાં આપવામાં આવે છે. આ રસીકરણનો હેતુ આલ્ફા લૈક્ટ અલ્બ્યૂમિન મિલ્ક પ્રોટીનને ખત્મ કરવાનો છે.
ઓન્કોલોજિસ્ટ ડૉ.રાધેશ્યામ નાયકે જણાવ્યુ હતુ કે, આ રસીકરણ રોગ પ્રતિકારક શક્તિઓને વધારે છે. જેનો હેતુ બ્રેસ્ટ કેન્સરના પ્રકાર ટ્રીપલ-નેગેટિવ સ્તન કેન્સરનો રોકવાનો છે. આ ટ્યૂમર પર ટાર્ગેટ કરે છે. અને કેન્સર કોશિકાઓનો નાશ કરે છે.
અમૃતા ઇન્સ્ટીટ્યુટ ઓફ મેડિકલ સાયન્સમાં હેમેટોલોજી, મેડિકલ ઓન્કોલોજી અને બીએમટી વિભાગના પ્રમુખ ડૉ.પ્રશાંત મહેતાએ પ્રતિક્રિયા આપી હતી. તેઓએ જણાવ્યુ હતુ કે, શોધકર્તાઓએ 35 મહિલાઓ પર પરિક્ષણ કર્યુ હતુ. કેન્સરનો સૌથી મોટો પડકાર એ છે કે, ટ્યૂમર પર અટેક કરવો. આ પરિક્ષણમાં સૌથી પહેલા ટ્યૂમરને ઓળખવામાં આવે છે. અને તેની કોશિકાઓને અટકાવવામાં આવે છે.
આ શોધ પ્રીક્લિનિકલ તબક્કામાં છે. તેથી હાલ સત્તાવાર રીતે જાહેરાત કરવી મુશ્કેલ છે કે આ વેક્સીન મનુષ્યમાં સંપૂર્ણ રીતે કારગર સાબિત થશે કે નહી. પીએસઆરઆઇ હૉસ્પિટલમાં ઓન્કોલોજિસ્ટ ડૉ.અમિત ઉપાધ્યાયન જણાવે છે કે, રસીકરણ હાલ પ્રથમ તબક્કામાં છે. તેને મજબૂત વૈજ્ઞાનિક આધાર પર વિકસિત કરવામાં આવશે. પરંતુ આ રસીકરણ પર થોડો વિશ્વાસ મુકી શકાય છે. કારણ કે તે પ્રથમ તબક્કામાંથી પસાર થઇ ચુક્યુ છે. અને સફળ રહ્યુ છે.